مشاعر الحلقه الثامنه والعشرون

الحلقه الثامنه والعشرون

وتفوت الايام على ابطالنا وكل واحد فيه اللى قالب حاله وملخبط كيانه

نهى خرجت من المستشفى وروحت بيتها بس كانت طول الوقت قاعده فى اوضتها وساكت ومش بتتكلم خالص حزينه ووشها دبلان والهلات السوده كاسيه على عنيها

وسامى كان الحزن ماليه عليها وعلى حالها ومكنشى عارف يرضيها ازاى ولا يخرجها من الحاله دى ازاى

وفى يوم

سامى رجع البيت دخل وبص بعينه عشان يشوف نهى لقاها برده قاعده فى اوضتها

سامى بابتسامه وهو بيقعد على طرف السرير: حبيبتى وحشتنيى اوى ....... بس انا زعلان منك

نهى ساكته

سامى وهى عامل نفسه زعلان : مش همك حتى انى زعلان ولا عاوزه تعرفى انا زعلان ليه

نهى بتبصله وساكته

سامى : زعلان عشان مبقتش بتقبلينى على الباب وتخدينى فى حضنك زى كل يوم

نهى ساكته برده

سامى سكت شويه وفجاء دموعه خانته ونزلت : نهى انتى وحشتنيى بجد وحضنك كمان وحشنى

نهى خضته فى حضنها وهى بتعيط وهو كمان استسلم لدموعه قدامها

سامى كان حاسس براحه وهو فى حضنها وحاسس براحه اكبر انه خرج اللى جواه ودموعه اللى كان حابسها

سامى حضنه اكتر : بجد كنتى وحشانى اوى ... متبعديش عنى تانى عشان خاطرى ....انا وانتى مبقاش لينا غير بعض فبلاش نضيع بعض وننسى حبنا ونعيش حياتنا كلها فى حزن على اللى راح واللى عمره ما هيرجع

نهى بعياط : بس انا كان نفسى يبقا ليه ابن منك

سامى : وربنا مش عاوز ..... هنعترض ولا نحمد ربنا على اللى كتبهولنا

نهى وهى بتمسح دموعها : ونعمه بالله ........بس

سامى : من غير بس ....تفتكرى ييا نهى قاعدت دى هترجع اللى راح ..... ولا حتى هتخلينا مبسوطين ...بالعكس الحزن هيملى قلوبنا وبيتنا وهبعدنا عن بعض وممكن نضيع حبنا

سامى وهو بيمسك ايدها : نهى انتى احلى حاجه فى دنيتى ربنا عوضنى بيكى عن كل حاجه حتى الطفل ده انا مش عاوزه لو ده هيبعدنى عنك انتى اهم حاجه وكل حاجه وعمرى مهسيبك ولا هخلى حاجه تتعسنى وضيع الحب ده مهما حصل وبتمنى انك تساعدينى وتقفى جانبى وتتمسكى بيه وبحبنا ....... وكمان بلاش نعترض على قضاء ربنا عشان يرضى عننا ويسعدنا ودايما نحمد على كل حال وان شاء الله انا ثقتى ى ربنا كبيره انه هعوضنا فالجنه زى ما حنا ماهنرضيه ونشكره ونحمد الدنيا ..........مش كده يا حبيبتى

نهى بابتسامه حزينه : سامى انا بحبك اوى بجد ....... ولو عشت عمرى كله اسعدك وارضيك مش كفايه

سامى : وانا سعادتى من سعادتك .....ورضايا من رضاكى ...وراحتى فى رحتك ..... شوفى بقى انت شكلك تعبان ومرهق ازاى يرضيكى كده تتعبينى وتزعلينى

نهى بدموع : لا ميرضنيش

سامى : طيب ياله قومى كده من السرير ده ..... وياله حضرى الشنط عشان هنسافر

نهى باستغراب : هنسافر فين ؟؟

سامى : انا اخدت اجازه من الشغل وحجزت فى شرم الشيخ فى نفس الاوتيل بتاع شهر العسل ..... ايه رايك نعمل شهر عسل جديد ... ونجدد حبنا وحياتنا كاننا لسه بنبداء من جديد

نهى بابتسامه بس المردى كانت فرحانه بجد : ايه الدلع ده كله

سامى وهو بيشدها من السرير : يعنى لو مدلعشى روح قلبى هدلع مين يعنى اله قومى يا عروسه يا قمر انتى .......هنسافر كمان 3 ساعات

نهى : ايه مش هلحق

سامى : قومى بس وشوفى لو محتاجه حاجه من تحت هنزل اجبهالك ... وانتى جهزى الشنط ........وهجيب كمان اكل من بره..... عشان تلحقى .......هتعوزى حاجه تانيه

نهى قربت منه وحضنته جامد : عاوزه افضل فى حضنك كده طول العمر

سامى : وانا كمان

ونسيبهم بقى مع بعض وكفايه تطفل J

................................................................................

لينا كانت بتكلم عصام فى تليفون

لينا : عصام ... احنا هنضل كده لحد امتى

عصام : مش عارف يا لينا .......انا عارف ان الوضوع مش صح وعارف انك مش حبه اننا نتكلم ومفيش اى ارتباط غير رسمى.... بس قوليلى اعمل ايه

لينا : يعنى ايه تعمل ايه يا عصام ........ كلم بابا

عصام : معندش الجراءه انى اكلمه

لينا بضيق : يعنى ايه ..... خايف

عصام : مش موضوع خايف بس محبش ادخل حاجه وانا عارفه نتيجتها وفاشلها من قبل مدخلها

لينا : للدرجادى ......... طيب وامتى هيكون عندك الجراءه

عصام : قريب ان شاء الله

لينا : قريب يعنى امتى

عصام : بصى يا لينا .... انا قدامى مشروع كويس لو نجحت فيه هيبقى معايا مبلغ كويس وقرارت انا واتنن زمايلى اننا نفتح مكتب هندسى خاص بينها ....... وقتها ممكن اقدر اجى وتكلم مع باباكى .... على الاقل وقتها هيبقى عندى مكتبى الخاص وان شاء الله يكبر

لينا : يبقى مش هينفع نتكلم تانى لحد ده ما يحصل

عصام بضيق : يعنى ايه ..... انتى عاوزه تبعدى عنى

لينا بحزن : غصب عنى بس انا مش هينفعل اكمل فى الوضع ده وحسه انى عامله عامله .......انا حسه انى بسرق حبى ده وبخده الضلمه .....انا عاوزه احبك قدام كل الناس مش وانا عامله زى الحراميه كده

عصام : بس يا لينا انا اللى مشجعنى ومقوينى وجودك جانبى .....انا ببقى تعبان طول اليوم ى الشغل واول لما بسمع صوتك برتاح وبنسى كل تعبى .....لينا عشان خاطرى اقفى جانبى وخليكى معايا

لينا : عام انت عارف كويس انى هق جانبك ومهما حصل انا لك وانت ليه بس لما يبقى كل حاجه فالنور ..... تعال كلم بابا وانا هقف جانبك ومعاك ....... بس غير كده بجد مش هقدر .....كل اللى هقدر اقولهولك انى هستناك وهستنى اليوم اللى اقف معاك وجانبك قدام كل الناس والظروف بس فالنور مش فالضلمه ........ عشان خاطرى متزعلشى بس دى اخر مره هكلمك فيها

عصام : اوكى يا لينا وانا هحترم قرارك .....وان شاء الله هبقى معاكى قريب

لينا : عصام مش عاوزاك تزعل منى ....... انا متاكده انك فاهمنى وعارف انا هعمل كده ليه

عصام بابتسامه حزينه : عارف .....ومش زعلان .. وبحبك اوى بجد

لينا نزلت دمعتها : وانا كمان بحبك اوى بجد

عصام : هتوحشينى

لينا بعياط : وانت كمان هتوحشنى اوى

عصام : لينا عشان خاطرى متعيطيش .......متخافيش قريب اوى هنكون مع بعض انا هعمل المستحيل عشان ابقى معاكى .......فعشان خاطرى متعطيش ....خلينى اسمع ضحكتك قبل مقفل عشان تفضل اخر حاجه سمعتها منك

لينا ضحكت غصب عنها عشان ترضيه

عصام : بحبك

لينا : بحبك

وقفلو السكه ولينا انهارت فالعياط وعصام حسه بقلبه بيوجعه اوى

..................................................................................

ريهام كانت خارجه مع عبد الله وماشين فى الشارع بيتفرجو على المحلات

عبد الله : حلو اوى الجاكت ده .......اه رايك

ريهام : اه حلو وشيك

عبد الله : طيب استنى ...هشوف فى مقاسى ولا لاء

ريهام : اوكى ....انا هقف اشوف الاكسسورى فالمحل ده

عبد الله : اوكى يا حبييتى بس متبعديش ....انا جى حالا

ريهام : اوكى

ومشت ريها وقفت عند المحل اللى شورت عليه لعبد الله

شويه وسمعت صوت جى من وراها

.....: روما مش مصدق عينى بجد

ريهام بصت وراها وضحكت : سامح ... ازيك

سامح : انا الحمد لله تمام بس طالع عينى فالدروس والمدرسه ...يا خربيت الثانويه العامه دى

ريهام بابتسامه : وانت لسه شوفت حاجه .......ولسه اللى جى ازفت يا خويا

سامح : ربنا يطمن قلبك يا شيخه

ريهام : هههههههههه انت ناوى على ايه اصلا

سامح : ههههه بصى هو انا كنت ناوى على هندسه بس ده قبل الدراسه ........دلوقتى لو دخلت خدمه اجتماعيه يبقى قشطه

ريهام : ههههههههههههههههههههههه

عبد الله شاف ريهام وقفه مع ولد وبتضحك عفاريت الدنا اتنطت قدام وشه

ونكمل بقى الحلقه اللى جايه