الحلقه السابعه
والعشرون
دينا كانت ماشيه مع
نورهان بعد الدرس
دينا : بقولك فى حاجه
بينهم انا حسه بكده
نورهان : انتى هبله
....... مستحيل طبعا
دينا : طيب فهمينى يعنى
ايه الكلام ده
نورهان : مش عارفه
......... بس واضح انها خناقه .... مش بيحبو فى بعض يعنى
دينا : مش عارفه بس انا
مش هسكت ولازم اعرف فى ايه
نورهان : انا مش فاهمه
انتى عاوزه ايه .......الواد نفضلك اكتر من مره ....سيبك منه بقى
دينا : لا يا اختى مش
هسيبنى منه .... انا اسيب وانفض بس ميتنفضليش لازم اخليه يجى لحد عندى وبعدين انا
بقى اللى اسيبه وانا وراه وراه والزمن طويل
نورهان : انتى ساعات
بتبقى مخيفه
دينا بضحكه غبيه : طب
خافى منى بقى
.................................................................................
سلمى كانت واقفه
فالبلكونه وماسكه فى ايدها ورقه وسرحانه
فلاش باك
محمود : ينفع اتكلم مع
حضرتك شويه
سلمى ببرود من غير متبصله:
فى حاجه مش فاهمها ... ممكن تقول لمس ريهام
محمود بنفاذ صبر : لا
انا عاوز اتكلم مع حضرتك
سلمى وهى بتبصله بنرفزه
: مفيش بنا كلام غير فالشغل وبس لو مش فاهم حاجه ممكن اقول لحد يشرحهالك لكن غير
كده مفيش كلام .... واتفضل بقى عشان انا مش فاضيه للكلام الفارغ بتاعك ده
محمود بضيق : انا كلامى
مش فارغ ........ وانا مش بكدب عليكى ... انا عارف انك ممكن تكونى شايفه الموضوع
غلط .... انا بس عاوز اتكلم معاك ادينى فرصه
سلمى : انا كلامى خلص
وقامت من مكانها
محمود : استنى انا لسه
مخلصتش كلامى ومسكها من ايدها
سلمى وهى بتزق ايده :
انت اتجنينت ..؟؟
محمود : اه اتجنينت ..
وانتى السبب ....ومش هسيبك غير لما نتكلم
سلمى وهى بتبص حواليها
: انا مش عاوزه واتفضل بقى عشان انا مش عاوزه مشاكل احنا هنا فالشغل ومش عاوزه حد
يتكلم عليه ....... انا لحد دلوقتى بتكلم معاك بحترام بس بعد كده هقول لمستر مصطى
وعملك مشاكل
محمود بترجى : وانا مش
عاوز منك غير انك تسمعينى وتفهمينى
سلمى شافت دينا ونورهان
جاين عليهم
سلمى : لو سامحت امشى
بقى الناس بداءت تيجى ..... عشان خاطرى سبنى فى حالى بقى
محمود بحزن : ماشى زى
ماتحبى ..... بس اقرى الورقه دى
وحطلها ورقه على المكتب
ومشى
سلمى قبل ما تتكلم لقت
دينا جى عليها وهى بتضحك ضحكه مستفزه : اخبارك ايه يا مس لومى
سلمى بضيق : الحمد لله
..... ياله ادخلو المستر هيداء كمان 5 دقايق
دينا بدلع : شكلك مرهق
اوى مش تخالى بالك من صحتك شويه
سلمى بتنهده وضيق ضحكت
ضحكه من تحت درسها : هحاول ..... اتفضلى بقى على حصتك
دينا : حاضر يا ميستى
انتى تؤمرينى
ومشت وسلمى كانت متغاظه
منها
سلمى : بجد شخصيه
مستفزه ..... اصلى كنت نقصاكى انتى كمان
عنيها جات على الورقه
اللى على المكتب ....... افتكرت محمود واضايقت اكتر
سلمى وهى بتكلم نفسها :
ياربى .... هو انا ايه اللى بيحصلى ده
واخدت الورقه وحطتها فى
شنطتها
نرجع للواقع
سلمى كانت واقفه لسه
سرحانه ومسكه الورقه ى ايده وبتكلم نفسها
" انا هقطع الورقه
دى وهرميها ....... مش ناقصه شغل عيال "
" بس عندى فضول
اشوف فيها ايه "
" لا يا سلمى انتى
قولتى مش هتقريها وهترميها ..... عاوزه ليه تشوفيها "
" عادى يعنى فضول
مش اكتر "
" اممممم مش حاسه
انه فضول "
" امال ايه يعنى
يا ناصحه .....يعنى انا خلاص هفكر فى عيل زى محمود ده اد سامح اخويا خلاص يعنى
عيلت "
" خلاص يبقى
تقطعيها وترميها ..... مش هينوبك لما تقريها غير وجع الدماغ كبرى دماغك يا لومى
متدش الموضوع اكتر من حجمه "
" عندك حق انا
بقول كده برده "
ولسه هتمسكها عشان
تقطعها سمعت صوت مامتها حطت الورقه فى جبها تانى
سعاد : سلمى ....... يا
سلمى
سلمى : ايوه يا ماما
سعاد : انتى كنتى فين
سلمى : فى البلكونه فى
حاجه ولا ايه
سعاد : انا هنزل دلوقتى
اودى الاكل لاخوكى وابوكى فى المستشفى
سلمى : طيب .......هى
نهى اخبارها ايه
سعاد بحزن : لسه تعبانه
بس فاقت شويه وسامى على طول قاعد معاها
سلمى : ربنا يشفيها
ويهدلهم الحال
سعاد بحزن : اخوكى
صعبان عليه اوى .......كل ما بروح قلبى بيتقطع عليه
سلمى : وانا كمان
....... ربنا يهون عليه
سعاد : يارب ..انا نزله
بقى خلى بالك من نفسك والبيت وسامح هيجى كمان نص ساعه ابقى حطيله الاكل عشان
مكالشى لحد دلوقتى .... ماشى
سلمى : ماشى يا ماما
نزلت سعاد ودخلت سلمى
اوضتها قاعدت على السرير وطلعت الورقه وهى مقراره انها هتقراها
فتحتها وكانت
"لو انتى بتقرى
الورقه دى لوقتى معنى كده انى مقدرتش اتكلم معاكى ...انا عارف انك مش متقبله
الموضوع ويمكن مصدومه انا عذرك وحاسس بيكى ومقدر رفضك وصدك ليه .....عارف انك
شيفانى عيل ..عيل فى ثانوى مشاعره مراهقه حب المدرسه بتاعه وبكره ييكبر ويفتكر
المشاعر دى ويضحك او ممكن يكون حابب يتسلى ويلعب بلعبه جديده .... عموما مهما كانت
فكرتك عنى انا بجد مش بحاول العب بيكى ولا حتى عاوزك تحبينى ولا عاوز اى حاجه منك
غير انك تفهمينى صح وتعرفى مشاعرى .........سلمى انا حبيتك من اول مره شوفتك فيها
من قبل معرف سنك ولا حتى اسمك عارفه ليه عشان اللى حبك قلبى واللى اتحركت مشاعرى
اللى مقدرشى اتحكم فيها .. المشاعر مبتفكرشى ولا حتى تعرف المنطق يمكن العقل رافض
وعارف انى مشاعرى غلط وياما كانت فى صرعات جوايا بينهم بس برده الحب مش بايدى ولا
اقدر اتحكم فيه ..... انتى عارفه لو عقلى كان اتحكم فى قلبى وحبيت بالمنطق وقتها
مش هيبقى حب ولا هتبقى المشاعر حقيقيه عشان المشاعر ملهاش مقياس ولا حسابات زى
العقل.......عشان كده انا حبيتك انتى مهما كان سنك وحبيتك انتى مهما كان اسمك
وشكلك وحبيتك عشان ربنا زرع حبك جوايا .......ساعات بدعى ربنا يخرج الحب ده من
قلبى عشان انا تعبت منه بجد تعبت من حبىاللى عارف ومتاكد انه شبه مستحيل تعبت من
عقلى وتعبت منك ورفضك ليا وهروبك ومعاملتك البارده بس هرجع وقول عذرك .......مش
بكتبلك كل ده عشان اغيرك من نحيتى ولا تشفقى عليه انا بكتبلك ده عشان تعرفى ان
مشاعرى حقيقيه ومش بلعب بيكى .....اوعدك انى مش هضايقك تانى وهحاول ابعد عنك على
قد مقدر لحد ما بقى قادر فى يوم ادافع عن حبى واكون قد مسؤليته وقدر اقنع عقلى بيه
عشان اقدر قدام كل الناس اعترف بحبى ومشاعرى اللى مش هيوقفها سن ولا كلام اى حد
مهما كان ... ولحد ده ما يحصل هدعى ربنا يخرج حبك من جوايا لو كان شر ليك ولو كان
خير وبجد هدعى ربنا يجمعنى بيك فى يوم من الايام ويقدر يحنن قلبك عليه وتحسى بيه
........ انا بجد بتمنالك التوفيق فى حياتك مهما كانت معايا او مع غيرى وبجد
بتمنالك السعاده من كل قلبى عشان انا بجد بحبك من كل قلبى "
سلمى قرات الورقه اكتر
من مره وكل مره كانت بتحس بقلبها بيدق كانت حسه بكلامه وانه بيتكلم بصدق ومش بيكدب
عليه بس برده هى مش بتحبه ولا ممكن تحبه فى يوم يمكن اتعاطفت معاه عشان فعلا الحب
مش بايدنا
غمضت عينها وهى حزينه
عليه وبتنهيدت دعت من قلبها بجد
" يارب اهدى كل
القلوب ومتعلقشى قلب حد باللى مش مكتبله .......يارب وفقه وهديه للصح وابعدنى عنه
وابعده عنى "
...................................................................................
فات حوالى اسبوعين
ومفيش اى جديد كل واحد مشاعره جواه قفل عليها وساكت اللى خايف يعترف بيها واللى
خايف يصدقها واللى خايف يظهرها عشان ميتوجعشى
مهما كلنت مشاعرنا مش
بنقدر نتحكم فيها بس هى ساعات كتير بتقدر تتحكم ينا وفى مودنا وحالتنا النفسيه
اللى حاسس بالحب ومبسوط
بيه واللى حاسس بالحب بس خايف يعترف بيه
او حتى يصدقه
اللى حاسس بالحزن واللى
حاسس بالشفقه واللى حاسس انه مجروح وقلبه بيوجعه واللى حاسس بالغربه وسط اهله
واللى حاسس بالغيره والحقد واللى حاسس بحاجات كتير بس مش فاهمه ولا عارف يفسرها
بس انتم عارفين ايه
اوحش حاجه انك متكنشى حاسس اصلا لان المشاعر ده هى كل حياتنا مهما كانت واللى مش
بيحس بيه بيحس انه عايش ميت
ونكمل بقى الحلقه اللى
جايه
ليست هناك تعليقات:
إرسال تعليق