الحلقه الثانيه
سامح ادى التليفون
لسلمى اللى كانت ميته من الضحك على المكالمه المجنونه دى
سلمى :
ههههههههههههههههههههههه
ريهام : نعم هنبطل ضحك
امتى
سلمى : ههههههههه
ريهام : طيب انا هقولك
انا بكلمك ليه بدل مفقد اعصابى عليكى انتى واخوكى
سلمى وهى بتحاول تبطل
ضحك :اوكى .... ياله قولى
ريهام : بصى يا ستى
........ فى مدرس قربنا كلمنى انى اروح ادرب معاه وقولتله انى هجيب اصحابى معايا
وافق
سلمى باستغراب : مش
فاهمه
ريهام : محدودة الذكاء
.......افهمك ....هو مدرس ثانوى وعنده سينتر بيدى دروس هنروح بقى نحضر معاه الحصص
نعرف بيشرح ازاى واحنا كمان هيبقى لينا حاجات نعملها زى تعليم الواجب الامتحانات
كده يعنى
سلمى : سكرتيرات يعنى
ريهام : لا يا زكيه مش
بس كده احنا هنحضر معاه الحصص وهنشوف بيشرح ازاى وازاى بيوصل المعلومه وهنكسب خبره
منه ده مدرس مشهور جدا وشاطر كمان وصدقينى هنستفاد اوى منه
سلمى : هههههههه الواد
سامح ده مكشوف عنه الحجاب
ريهام : اشمعنا .......
سلمى :اصله لسه كان
بيقولى ادى دروس .....بس انا قولتله معنديش الخبره
ريهام : اها
.......احنا فعلا محتاجين الخبره وصدقينى دى فرصه كويسه اوى
سلمى : طيب قولتى للينا
ريهام : اه قولتلها
.......بس انتى عارفه باباها مش هيوافق وهى مش محتاجه للشغل فى التدريس وهتشتغل فى
شركة باباها بعد التخرج يعنى مش مهم بالنسبالها
سلمى : بس كان نفسى
نبقى كلنا مع بعض
ريهام : يعنى انتى
موافقه
سلمى : بصى هقول لبابا
وهرد عليكى بكره فالكليه ...ماشى
ريهام : اوكى يا لومى
عمو ده اصلا حبيبى وهيوافق ولو عصلج كلمينى وانا هقنعه
سلمى : هههههههه عصلج
ايه الكلام البيئه بتاعك ده
ريهام : الله رحم
.....ياله يا حجه انجزى عشان الرصيد
سلمى : ههههههه ياللهوى
على البخل
ريهام : كل ده وبخل
بقالى 28 دقيقه 46 ثانيه بكلمك انتى واخوكى السع ده وتقوليلى بخيله .......طب ايه
رائيك بقى بكره هتشحنيلى وبعد كده هرنك وانتى تتصلى بيه
سلمى : هههههههه طيب
استنى بقى لما نكملهم النص ساعه
ريهام : يابنتى ياله
انجزى عشان تلحقى تكلمى عمو
سلمى : اوكى ....وربنا
يسهل ويوافق .....ياله سلام يا مجنونه
ريهام : سلام يا لومى
قفلت سلمى مع ريهام
وخرجت من الاوضه عشان تكلم باباها كام قاعد فالبلكونه زى العاده بيشرب الشاى
سلمى دخل بحنيه : بابا
حبيبى وحشنى والله
محمد بابتسامه : خير
الله ما اجعله خير
سلمى : هو انا بقول حلم
محمد : عاوزه ايه يا
لمضه
سلمى : مفيش بطمن على
بابايا حبيبى وهقعد معاه شويه عشان اطمن عليه وعلى اخباره
محمد : ههههههه انتى
اللى تطمنى عليه .....بصى قولى كده عاوزه
اه وباختصار وبلاش طقم الحنيه ده
سلمى وهى مكشره : كده
برده انا اصلا طول عمرى حنينه
محمد : طيب ياله قولى
بقى عاوزه كام
سلمى : شوفت بقى ظلمتنى
ازاى مش عاوزه فلوس
محمد : وده من ايه انتى
مبتعمليش كده غير لما تكونى عاوزه فلوس
سلمى : بص بقى يا ابى
العزيز هو من ناحية عاوزه فانا عاوزه بس مش فلوس
محمد باستغراب : امال
عاوزه ايه
سلمى : هو طلب
صغيوووووووور خالص قد كدهوت
محمد : هههههههه
صغيوووور وكدهوت .........طيب ياله قولى فى ايه
وحكت سلمى لمحمد كلام
ريهام وتدريبهم
سلمى : ها بقى يا بابا
ايه رايك
محمد : صحيح انا وعدك
انك تشتغلى بس ده بعد ما تتخرجى مش دلوقتى
....عاوزه الناس يقولو ايه بتشتغل عشان مش
عارف اصرف عليها
سلمى : لا طبعا يا بابا
ربنا يخليك ليا بس ده مش شغل اوى ده مجرد تدريب حتى انا لسه مش عارفه هيبقى فى
مرتب ولا لاء ....زعشان خاطرى يا بابا توافق
محمد : مش عارف يا لومى
مش مقتنع
سلمى : ليه بس يا بابا
محمد : عشان دراستك
....و
ولسه محمد بيتكلم سمعو
صوت جرس الشقه
محمد : قومى افتحى
وبعدين نكمل كلمنا
سلمى قامت تفتح وكان
اللى على الباب اخوها سامى
سلمى فى سرها"
اوباا كده باظت .ومش هعرف اقنع بابا "
سامى : ازيك ا لومى ايه
مش هدخلنى
سلمى : لا طبعا اتفضل
يا ابيه ...اخبارك ايه واخبار نهى ايه
سامى : الحمد لله تمام
.......بتسلم عليكى ....امال بابا وماما فين
سلمى : ماما فالمطبخ
..وبابا فى البلكونه
ودخل سامى على البلكونه
سامى وهو بيسلم على
باباه وبيبوس راسه : ازيك يا سيد الكل
محمد بابتسامه :الحمد
لله كويس طول مانت كويس انت واخواتك
سامى : ربنا يخليك لينا
يا حج
محمد : ويخليكو ليا
........نهى مجاتشى معاك ليه ؟؟
سامى : مفيش بس تعبانه
شويه
وتيجى على الكلمه دى
وبلهفه الام
سعاد : تعبانه ملها
.........حامل
سامى بضيق : لا يا ماما
بس عندها دور برد جامد
سعاد بزعل : برد ...طيب
هروح اجبلك حاجه تكلها
سامى ملامحه كلها
اتغيرت وبان عليه الضيق من كلام مامته
محمد : معلشى يابنى هى
بس نفسها تفرح بيك وبعيالك
سامى : يابابا انا لسه
متجوز من سنه بس ...وبعدين نهى بتضايق من كلام ماما ليها هى مش بايدها حاجه دى
حاجه بايد ربنا
محمد : خلاص بقى
متزعلشى نفسك ........وربنا سعدك يارب ويرزقك
سامى : امين يارب
ويخليك ليا يا بابا
شويه ودخلت سلمى
بالصينه : احلى عصير عشان ابيه سامى وبس
سامى : ماشى يا بكاشه
....اخبار الدراسه ايه
سلمى : الحمد لله تمام
محمد : الابله عاوزه
تشتغل
سامى : نعم
.........ازاى يعنى
سلمى فى سرها
"استر يا رب "
محمد : تعالى يا سلمى
احكى لاخوكى عشان انا مش فاهم اللى بتقوليه ده
سلمى حكت تانى لسامى بس
المره دى كانت متاكده خلاص ان الموضوع باظ
سامى سكت شويه وبعدين
بص للباباه : انت رايك ايه يابابا
محمد : مش عارف هو
الموضوع حلو بس انا خايف تنشغل عن دراستها والسنه دى صعبه وانا عاوزها تجيب تقدير
كويس
سلمى : صدقنى يا بابا
مش هنشغل وهجيب تقدرير بجد
سامى : انا عن نفسى
موافق
سلمى كانت مصدومه حسه
انها مش سامعه صح
سلمى : بجــــــــــــــــــد
ونكمل الحلقه اللى جايه
ليست هناك تعليقات:
إرسال تعليق