نم نم والعملاق الجزاء التانى

الجزاء الثانى

نم نم كان قاعد فى مكانه المعتاد سرحان وحاسس ان تفكيره مشلول حس بالعجز من طلب الملكه وكان واثق ان الملكه كانت قاصده تعجزه

مهو كيس سكر فى شهر كتير ده استهبال اصلا... حاجه مستحيله على نمله  

بس هيعمل ايه هيستسلم ويضحى بحب عمره ولا يحاول وهو عارف انه مش هيحقق الطلب وفى الحالتين ميما مش هتكون من نصيبه وقف محتار

فوسط سرحانه حس بايده بطبطب على كتفه لف نم نم بسرعه يشوف مين

نم نم بتنهيده حزينه : نيمو

نيمو : مالك يا صاحبى زعلان ليه  

نم نم : يعنى مش عارف ... ده زمان المستعمره كلها عرفت الملكه قالتلى ايه

نيمو : عشان يعنى موضوع كيس السكر ... ده اللى مزعلك

نم نم : ودى حاجه متزعلشى ... الملكه بتعجزنى ... ميما خلاص هضيع منى

نيمو : متخافشى يا صاحبى

نم نم باستغراب : قصدك ايه

نيمو بابتسامه وهو بيص وراه وكان وراه نمل كتير اوى

نيمو : كل شباب المستعمره قرارو يساعدوك وان شاء الله خلال الشهر نكون جمعنا كيس السكر

نم نم باحباط : انا مقدر مساعداتكم ليا ... بس انت عارف اننا نجمع سكر فالفتره القصيره دى صعب قد ايه ..البشر بيحرصو اوى فالسكر وانت عارف ان تجميع السكر بيروح فيه ضحايا كتير .... انا مش هقبل تضحو بحياتكم عشانى

نيمو : ايه يا صاحبى انت ناسى انت عملت عشانا ايه كل واحد من المستعمره هنا انت ساعدته قبل كده ... وساعات كنت بضحى بنفسك عشان تنقذ غيرك ... نم نم احنا مش بنضحى احنا بنرد الجميل ... وصدقنى يوم لما تحقق حلمك وتتجوز ميما ده هيبقى فرح للمستعمره كلها

نم نم بدموع : انتم احسن نمل فالدنيا كلها

نيمو : وانت اجدع صاحب فالدنيا كلها

وفعلا بداء يقسمو نفسهم مجموعات كانت المستعمره كلها رفعه حالة الطوارئ واى ذرة سكر تدخل تتخزن فى مكان معين اللى بيجمع فيه نم نم السكر

وكانو عاملين فرقه استكشافيه بدور فى كل حته على سكر واول لما يلاقو ...يصدرو اشارات معينه عشان تجى مجموعه تانيه تحول السكر للمخزن

 فات حوالى 3 اسابيع والكل شغال ليل ونهار ونم نم تقريبا مش بينام الكل بداء يتعب بس برده جواهم اصرار انهم يحققو حلم نم نم اللى ياما حقق احلامهم وساعدهم كتير

بس نم نم كان ساعات بييأس وبيضايق من تعابهم معاه وهو حاسس ان فرصة تحقيق حلمه بتقل وخصوصا انهم بقالهم فتره بيدور على سكر ومش لقين

نم نم قاعد زعلان قدام مخزن السكرقرب منه نيمو

نيمو بتعب : ها بقينا قد اه دلوقتى

نم نم بياس : عدينا نص الكميه بحاجه بسيطه

نيمو وهو متنح : بس !!

نم نم : ومش باقى غير 6 ايام

نيمو قاعد جانبه وهو مش عارف يقوله ايه

نم نم : انا عارف انكم تعبتو معايا اوى بس خلاص مفيش فايده

نيمو بضيق : المشكله اننا بقالنا يومين بنلف على الفاضى ومش لقين اى حته فيها سكر .... البشر بقو ناصحين اوى

نم نم بتنهيده : خلاص مفيش امل

نيمو بابتسامه بيحاول يزرع جواه الامل : متقلقشى ياصاحبى ان شاء الله هتفرج ... هقوم اشوف حد جاب سكر انهارده ولا ايه النظام

نم نم بصله بياس : ماشى

نيمو قام مشى وسابه وشويه وقربت عليه ميما

ميما : ها يانم نم ... ايه الاخبار لحد دلوقتى

نم نم بياس : مفيش امل يا ميما ... انا خلاص حاسس انك حلم صعب تحقيقه

نم نم بعصبيه : هو ليه بيحصل كده ... ليه حلمى الصغير صعب كده ... ليـــه .... انا ساعات بندم اصلا انى حبيتك

ميما بدمعه : ندمان على حبك ليا يانم نم ... للدرجه دى انا بقيت حمل عليك ومضيقاك اوى كده

نم نم : للاسف اه ... حبنا بقى حمل .... ومش علينا احنا بس بقى على المستعمره كلها ... وكل ده عشان ايه ... ليه مكونتيش نمله عاديه ليه بقيتى بنت الملكه ليه حبتينى اصلا وخلتينى اتعلق بيكى ... انا تعبت اوى بجد تعبت

ميما بدموع : انا اسفه انى تعبتك اوى كده ... انا هشيل الحمل ده من عليك وهبعد عنك

ومشت ميما خطوتين لقت ايد بتشدها

نم نم ضمها لحضنه : انا اسف متزعليش منى .. انا محتاجلك اوى جانبى متبعديش عنى ...عشان خاطرى متزعليش

ميما بدموع : انا مقدره زعلك ... وعارفه ان ماما ضغطه عليك ... بس انا وثقه فيك ... ووثقه انك هتتحدى اى حاجه عشان خاطرى

بصتله بحب : نم نم انا بحبك اوى

نم نم : وانا كمان بحبك اوى

..............................................................................

تانى يوم

نم نم كان ماشى على امل يلاقى مكان فيه سكر

كان ماشى سرحان وهو مش عارف هو هيروح فين ولا هيدور فين

شويه لقى فتحه صغيره دخل فيها كان المكان ضلمه اوى وكان بيفكر يرجع تانى بس لاحظ ريحه غريبه

نم نم وهو بيشمشم : دى ريحة ايه ؟؟!!

نم نم بفرحه : سكر ... انا شمم ريحة سكر

فضل ماشى شويه لحد مبداء النور يظهر والريحه تقوى اكتر

نم نم دخل براحه وهو سامع صوت دوشه جامده

فجاءه لقى نم نم ايد عملاقه متنزل فوقه بس هو جرى بسرعه واستخبى

كان فى بيبى عملاق بيزحف ومنتشر فى كل مكان رايح جاى وبياكل سكر

البيبى كان بيخلص السكر ويقعد مكانه يعييط : مم اوكر ... مم اوكر (ماما سكر )

الام تقرب منه تحطله شوية سكر فى بؤه عشان تسكته وتعرف تشوف باقى شغل البيت

نم نم مشى بشويش كان فى سكر على الارض فى كل مكان

قرب وشال وحده على ضهره وهو خارج لقى حاجه بتقرب منه وضلمت الدنيا عليه ومكنشى شايف اى حاجه وبعيدن لحظه والدنيا بداءت تنور تانى لقى وش البيبى العملاق قريب منه وهى بيبصه وبيضحك بس كده حواليه لقى نفسه فى ايد البيبى

نم نم بخوف : وبعدين ... شكل العملاق ده هيتغابى

العملاق : قصدك ان انا غبى

نم نم بتتنيحه وخضه : انت سمعتنى

العملاق بيضحك : اه .. ممكن نبقى اصحاب

نم نم دعك فى عينه وهى مش مستوعب اللى بيحصل : ها ... قولت ايه

العملاق : نبقى اصحاب ...انا مش ليه اصحاب ولا حتى اخوات ..ز ايه رائك نبقى اصحاب

نم نم : ياريت بس مش هينفع .... انا مشغول اوى ومش فاضى ... ممكن بقى تنزلنى

العملاق: مشغول فى ايه ؟؟

نم نم : هحكيلك يا سيدى

وبداء نم نم يحكى للطفل العملاق حكايته

نم نم بتنهيده : وبس يا سيدى وعشان كده لازم الحق اجمع السكر عشان اتجوز النمله اللى بحبها

العملاق : بس انت بتقول ... انك مش قى سكر فى اى حته

نم نم : للاسف ايه ... بس هحاول اعمل ايه يعنى

العملاق : انت عارف انا سمعت ماما قبل كده بتقول ان ربنا بحقق الاحلام لما بندعيله ... بس بشرط نعمل اللى علينا ونجتهد وفالاخر ربنا هيكافئنا بتحقيق الحلم ده

نم نم : مش فاهم ... يعنى اروح واقعد وادعى ربنا وهلاقى المخزن بقى فيه سكر لوحده

العملاق : لاء انت تعمل اللى عليك وتدور وانت بتدور تدعى ربنا وهتلاقى المشكله بتتحل لوحدها

نم نم : طيب افرض انا عملت كده وبرده لقيت المشكله مش بتتحل والمده خلصت وميما ضاعت منى

العملاق : يبقى وقتها تعرف انها مكنتشى غير ليك وانها مش من نصيبك .... ربنا لو عارف انها كويسه ليك مش هيبعدها عنك ... ربنا بيحبنا اوى وبيحبلنا الخير

نم نم : بس انا بحبها اوى

العملاق : حب ربنا الاول وخليك واثق فيه .... هقولك ... مش انت قولت ان ميما بتحبك اوى ووثقه فيك عشان كده بتديك قوة عشان تتحدى نفسك وتعمل المستحيل

نم نم : اه

العملاق : انت كمان اعمل كده مع ربنا ... عشان يعمل عشانك المستحيل ... فهمتنى

نم نم بابتسامه : اه فهمتك

نم نم وقف وبص للسماء ورفع ايده : يارب انا بحبك اوى بجد وواثق انك بتحبنى لو ميما خير ليا قوينى عشان اقدر اجمع مهرها وتكون من نصيبى ولو هى شر ليا او انا شر ليها ابعدنا عن بعض ومتعلقشى قلوبنا ببعض .... يارب وحدك عارف اللى جواه قلوبنا وبرده وحدك عارف الخير اللى لينا ... يارب رضاك يارب ... يارب

العملاق : انت طيب اوى يانم نم ... وان شاء الله ربنا هيساعدك

نم نم : وانت كمان طيب اوى

شويه وسمعو صوت الام بيقرب منهم

نم نم : انا همشى بقى بسرعه

العملاق : ماشى

وفع نزل نم نم على الارض ومشى نم نم خطوتين وبعدين سمع

العملاق : نم نم

نم نم بصله : نعم

العملاق : بكره تعالى انت واصحابك ... انا هحاول اوقع سكر على الارض تعالو خدوه

نم نم بفرحه : بجد

العملاق : اه بجد .... كل يوم تيجى وتجمعو السكر ... ماشى

نم نم قرب منه : انت احسن بشرى فالدنيا

ومشى بسرعه لما الام قربت وهو فرحان وبيطنط من الفرحه

وروح حكى كل حاجه لنيمو وميما وهم طبعا مصدقهوش بس جمعو النمل وفعلا اتفقو يروحو تانى يوم عشان يجمعو السكر

فات 5 ايام والنمل كل يوم روح بيت العملاق يجمع السكر

والطفل العمق كان حاول وقع اكبر كميه من السكر على الارض عشان نم نم واصحابه يخدوها

وفعلا نم نم قدر يجمع جزاء كبير جدا من كيلو السكر وكان الفرحه ماليه وشه والياس بعد عنه وثقته فى ربنا كانت كل يوم بتزيد وكان بيدعى ربنا طول الوقت عشان ييحققله حلمه

وخلاص فاضل اخر يوم الكل كان فى بيت العملاق بيحاولو يعملو كل جهدهم عشان يجمعو السكر وكان كل ما السكر يخلص العملاق يعيط بصوت عالى ومزعج : مم اوكر ... اوكر اوكر

لحد ما الام تيجى وتديله السكر وفى اخر مره

الام لاحظة وجود النمل

الام بصوت عالى وعصبيه : عجبك كده اهو النمل ملى المكان ... يا دى نيلى على السكر عجبك كده

العملاق بص لنم نم : نم نم امشو بسرعه اكد هتحاول تموتكم

نم نم ادى اشارات للنمل عشان يمشى بسرعه والكل بداء يمشى بخوف وفزع

الام وهى بتجديب المبيد من درفه من المطبخ : ادى اخرة السكر

ولسه بتفتح العلبه البيبى بداء ييعيط بصوت عالى جامد

الام بخضه جرات عليه فى ايه

فضل برده يعيط جامد بصوت اعلى وهى شالته وفضلت تطبطب عليه وتحاول معاه عشان يسكت وهو برده بيعيط وفلاخر خدته ودخلت الاوضه جواه

وفالوقت ده كان نم نم واصحابو مشو من المكان وهم معاهم اخر كمية سكر محتاجنها

تانى يوم نم نم راح للملكه وهو فرحان اوى بعد مقدر يجمع مهر ميما

ودخل عليها بكل ثقه وقوى

الملكه بتريقه : ها جى عشان تعتذر و تتلحى عليه عشان اوافق

نم نم بتحدى : ولا ده و ده ... انا جى عشان اقدم مهر ميما كيس السكر

الملكه باستغراب : ايه

نم نم بابتسامه النصر : اللى حضرتك سمعتيه ... اطن انا عملت اللى عليه وفاضل حضرتك تحديدى ميعاد الفرح

الملكه وهى فرحانه بنم نم : انت عملت كل ده عشان ميما

نم نم بصدق : حضرتك متعرفش انا بحب ميما ازاى

الملكه : وانا دلوقتى بقيت واثقه انك تستاهله وموافقه على جوازكم

نم نم بفرحه : بجد

الملكه : بجد ... بس عندى سؤال

نم نم : اتفضلى

الملكه : انت عملت كده ازاى لوحدك

نم نم : انا معملتش كده لوحدى ... انا عملت كده عشان وثقت فى ربنا وكمان المستعمره كلها ساعدتنى وكانت وثقه فيه وانى قد التحدى ... حتى ميما كانت وثقه فيه .... يمكن فالاول انا نفسى مكنتش واثق فى نفسى ... بس ثقتهم فيه قوتنى اوى وثقتى فى ربنا حققت المستحيل .... انا حابب اشكر حضرتك اوى

الملكه باستغراب : انا ليه

نم نم : عشان بسبب التحدى والضغط ده ... اكتشفت حاجات كتير ... وتعلمت حاجات اكتر ... اكتشفت حب النمل ليه وانى لما اساعد غيرى هلاقى فى يوم اللى يساعدنى وانى لما احب اللى حواليا هيبقو عاوزين يضحو بحياتهم عشانى  .... ده غير انى اتعلمت ازاى اقرب من ربنا واثق فيه واثق انه هيكتبلى الخير دايما

الملكه : انت فعلا زى مبسمع عنك يانم نم جدع وشهم وقدج اى تحدى ... وانا بجد يشرفنى انك تتجوز بنتى

نم نم بفخر : الشرف ليا

نم نم خرج من عند الملكه وفرح المستعمره كلها ان تعبتهم جيه بفايده وشكرهم اوى وكلهم كانو فرحانين وعملينه هيسه جامده وبيرقصو وبيغنو ومعاهم نيمو وميما والكل كان فرحان وفى والسط الفرح ده نم نم افتكر العملاق وقرار انه لازم يروح يشكره

فعلا نمنم مشى بسرعه وراح عليه وكان برده بياكل سكر زى العاده

العملاق اول لما شافه فرح اوى وقرب منه وشاله على ايده

العملاق بفرحه : نم نم ... انا فرحان اوى انك جيت تانى

نم نم : انا جيت عشان اشكرك بجد من غيرك مكنتش هتجوز ميما

العملاق : ربنا هو اللى ساعدك

نم نم ونعمه بالله ... بس برده انت كنت سبب

العملاق : هنفضل اصحاب

نم نم بابتسامه : اكيد

النهايه