نم نم والعملاق
نم نم والعملاق
هى حكاية نمله صغيره
...نمله ولد فى سن الشباب مقبل على الحياه وبيتعب وبيشتغل عشان يحوش اكله بمجهوده
وعرق جبينه ومش بيحاول يعتمد على حد
معروف فالمستعمره اللى
عايش فيها بقوته وشجاعته وانه قد اى تحدى
نمله جدعه بجد وبميت
راجل وكل مشكلته فالحياه انه حب ... اه حب مستغربين كده ليه مهو مش عشان نمله مش
عنده احساس يعنى ... حب نمله رقيقه وعسوله اوى اسمها ميما
ميما بقى تبقى اجمل
نمله فى المستعمره وغير كده تبقى بنت الملكه يعنى مش اى حد
بس نم نم لما حبها حبها
عشان شخصها ومفكرشى فى يوم انها بنت الملكه وهى كمان حبته عشان شهامته وجدعنته
ومساعدته لغيره
وفى يوم
نم نم كان قاعد سرحان وباين عليه الحزن والكئابه
قربت منه ميما
ميما : مالك يانم نم
شكلك زعلان ليه
نم نم : ها لا مفيش
حاجه
ميما برقه : هتخبى عليه
نم نم بحزن : انا بحبك
اوى ياميما
ميما بحزن : وده اللى
مزعلك
نم نم : لاء بس .. اخرتها
ايه ... انا عاوز اتجوزك .. بس
ميما بفرحه : بجد
...انت عاوز تتجوزنى
وبعدين سكتت شويه : بس
... بس ايه ؟
نم نم : بس مش هينفع
ومشى خطوه لقدام
ميما قربت منه وحطيت
ايدها على كتفه : ليه مش هينفع
نم نم : عشان انتى بنت
الملكه وفى يوم من الايام هتبقى ملكه واناااا وسكت شويه وبحزن : وانااا ولا حاجه
ميما وقفت قدامه وبصتله
بحب وابتسامه : بس انت عندى كل حاجه .. وعمرى مهتمنى حد غيرك ... انت بجد اغلى
حاجه فى دنيتى
نم نم : عشان انتى
بتحبينى بتقولى كده ... بس تفتكرى ده برده رائى الملكه
ميما : ملكشى دعوه
بماما انا هقنعها
نم نم : مش عارف حاسس
انى مش متفاءل
ميما بتحدى : بس انا
متفاءله وواثقه فى ربنا وفيك
نم نم بتنهيده :
ياااارب
...............................................................................
فات كام يوم ونم نم
شايل الهم وعلى طول مضايق وحزين برده وحاسس ان قلبه مقبوض
نم نم قاعد فى مكانه
المعتاد وتقرب منه ميما بفرحه
ميما بفرحه وبصوت عالى :
نم نم ... نم نم حبيبى
نم نم بخضه : فى ايه
... فى حاجه حصلت
ميما بابتسامه رقيقه :
انا كلمت ماما وقالتلى انها عاوزه تقابلك
نم نم بخضه اكتر وهو
مبرق : قولتلها ... تقابلنى ... ايه ... انتى ازاى تعملى كده
ميما بحزن : انت زعلت
... مش انت اللى قولت عاوز تتجوزنى ... عموما انا مش بدبسك يعنى انت حر
نم نم بانفعال : انتى
عارفه كويس ان مش قصدى كده ...بس انتى ازاى تتصرفى من دماغك
ميما بدموع : معرفشى
انك هتزعل اوى كده كنت فاكره انى بفرحك عموما انا اسفه انى اتصرافت من دماغى
ومشت وسابته ودموعها
على خدها
نم نم فضل واقف مصدم ومش
عارف هو عمل كده ليه ازاى يزعلها كده ويقف عاجز ومش قادر حتى يكلمها بعقل وانفعل
عليها
فضل يانب فى نفسه "انا
غبى ... انا اصلا مستهلهاش ... انا بجد غبى "
..............................................................................
تانى يوم
نم نم فضل يدور على
ميما فى كل مكان فى المستعمره بس مكنتشى باينه خالص
كان قلقان وخايف اوى
عليها وفين وفين لما لقاها قاعده فى جانب لوحده
قرب منها وقاعد جانبها
من غير ميتكلم وهى كمان بصتله بحزن وفضلت ساكته
نم نم : كنتى فين ...
بدور عليكى من الصبح
ميما بحزن : يهمك يعنى
تعرف ... وبعدين بدور عليه ليه اصلا
نم نم بحزن : يعنى انتى
شايفه كده ....
وسكت شويه
نم نم : عموما انا مش
هزعل منك عشان عارف انك عندك حق وكمان عارف ان كلامك ده من وراء قلبك ... بس عاوزك
تعزرينى يا ميما انا اتخضيت بس
ميما بدموع : اتخضيت ليه؟؟
...ومن ايه ؟؟ .... وانا اللى كنت فاكره
انك هتفرح
نم نم مسك ايدها وباسها
: اكيد فرحان بس ...
ميما بعصبيه وهى بتشد
ايدها منه : كل حاجه بس ...بس ...انت ليه مدى للموضوع حجم اكبرمن حجمه وليه دايما
خايف ومش واثق فى نفسك ..انا حبيتك عشان انت شهم وجدع وقد اى تحدى بتقوم بيه ... حبيت
فيك ثقتك فى نفسك وانك بتفضل وراء حلمك لحد متحققه مهما كانت الصعوبات اللى قدامك
نم نم : انتى ليه مش
فهمانى ...انا صحيح ممكن اضحى باى حاجه عشان اوصل لحلمى بس خايف تكون التضحيه
المرادى هى انتى ..التحدى المرادى اصعب من اى تحدى قابلته ....ميما انا خايف اخسرك
انتى هم حاجه فى حياتى ..... خايف اصحى فجاءه القيكى مش موجوده فى حياتى
ميما : ليه بتقول كده ...
نم نم : عشان ممكن
الملكه تطلب منى مشوفكيش تانى ووقتها اكيد اسمع كلامها
ميما : ليه هتخاف منها
وتسبنى
نم نم : مش موضوع اخاف
منها .. بس متنسيش انها ملكه المستعمره وكمان خايف تضغط عليكى او تجبرك على حاجه
انتى مش عوزاها ...ميما انا ممكن اضحى بنفسى و بحياتى بس مش هقدر اضحى بيكى او
استغنى عنك ... انا خايف عليكى
ميما : انت ليه متشاءم كده
نم نم : انا مش متشاءم
انا بس واقعى
ميما : صدقنى ماما مش
وحشه اوى قابلها وشوف بس هتقولك ايه .... وانا معاك وجانبك فى كل الاحوال .... سيبها
على ربنا يا نم نم
نم نم بتنهيده : ماشى
يا ميما ...انا هقابلها ... وربنا يستر بقى
ميما بابتسامه بطمنه :
ان شاء الله هيستر
................................................................................
تانى يوم نم نم جهز
نفسه عشان يقابل الملكه
كان قلقان ومتوتر جدا
بس بيحاول يبان واثق فى نفسه ومتماسك اكتر
دخل المكان اللى هيقابل
فيه الملكه وهى بياخد نفسه بصعوبه وفضل رايح جاى فى المكان والتوتر بداء يسيطر
عليه لحد مسمع صوت بيقرب
خد نفس عميق ودعاء ربنا
يوفقه والملكه توافقه
وفعلا دخلت الملكه
قاعدت وهى ساكته وبتبصله بصات غريبه من تحت لفوق بدون ولا كلمه وهو كمان ساكت
وبيحاول يبان طبيعى
الملكه بهدوء : ميما
كلمتنى كتير عنك ... من الواضح انك مأثر عليه جامد
نم نم : لاء انا مش مأثر
عليها ان بس بحبها وهى كمان بتحبنى
الملكه سخريه : حب
......ممممم ...ممكن برده
نم نم : حضرتك انا يشرفنى
اتقدم لميما
الملكه : اكيد انت
تتشرف بس تفتكر انا اتشرف بكده
نم نم وهو بيبلع ريقه:
انا بحب ميما وان شاء الله هحاول اسعدها وحققلها كل اللى بتتمناه
الملكه : نتكلم بصراحه
احسن .... انا شخصيا مش موافقه على الجوازه دى ... بس للاسف ميما متمسكه بيك
وبتحبك ... عشان كده انا عندى طلب لو قدرت تحققه هتثبتلى فعلا انك قد المسؤليه
وانك تستاهل ميما
نم نم بقلق : طلب ..
طلب ايه
الملكه بضحكه صفره :
مهر ميما .....كيس سكر
نم نم : وهو متنح : ايه
... كيس سكر
الملكه : اه كيس سكر
وفى خلال شهر .... ورينى بقى همتك يا بطل ... عاوزه اشوف الكلام اللى بسمعه عنك
حقيقى ولا ايه .... المقابله كده انتهت ميعادنا كمان شهر
وقامت الملكه من مكانها
وهى على يقين انها بكده عجزت نم نم
ونم نم فضل واقف متنح
ومش مصدق طلبها ده
هو اكيد محتاج معجزه
الاهيه عشان يحقق طلبها ده
بس ايه العمل هو ده مهر
ميما ولا زم يتحدى نفسه عشان خاطرها
ونكمل بقى ونشوف نم نم
هيبقى قد التحدى ولا لاء الجزاء الثانى
الجزء التاني امته
ردحذفبس حلوه فكرة المهر دي
هو الجزء التاني امته بقالي 2 يوم م ستنياه يا ريت تقولي
ردحذف