وجع
حسه بوجع فى كل جسمى قلبى مقبوض ودموعى وقفه جواه عيونى
ورفضه تنزل وتبان لحد
مصدومه ...
مشلوله ... مخدوعه ... وحسه انى بموت بالبطئ
كل حياتى
معاه بتمر كشريط سينما قدامى ومع كل لحظه بشوفها بحس بنغزه فى قلبى ... حسه انه
ضربنى بخنجر وشرخنى بيه بس للاسف مموتنيش يمكن لو كنت موت مكنتش هحس بالوجع ده
اااااااااااااااااااااه بجد موجوعه اوى
ااااااااااااااااااااااااه بجد مش قادره اتكلم و احكى احساسى ااااااااااااااااااه
نفسى اعيط واصرخ بعلو صوتى
بس ......... بس هصرخ وهقول ايه هقول جوزى حبيبى
عشرة عمرى حلمى وحياتى خانى وقتلنى باعنى واشترى غيرى ... طيب فين الوعود وفين
كلام الحب اللى ياما قاله.... فين انى حلم عمره وماضيه وحاضره ومستقبله ... فين
حلمه بيه وحلمى بيه
بجد خلاص كده كله طلع كلام ووهم كل الحياه دى طلعت
مش حقيقه
غمضت عينى يمكن يكون حلم ... بس فتحتها من تانى
على وجع اكبر ودموع نزله على وشى ....دموع مش بطفى نارى دى بتحرقنى اكتر ...قلبى
اااااااااه يا قلبى موجوع اوى ومش قدره اداويك ...
غمضت عينى تانى ورجعت شويه لوراء مش وراء كتير دول
هم يدوبك كام دقيقه
كام دقيقه كنت قبلهم انسانه حبه الحياه عيشه لبيتى
وولادى وجوزى ... عايشه وانا حاسه بالسعاده والرضى بحضر اكلى وبشوف طلبات بيتى وولادى
وبطمن عليه وهو فى شغله .... يمكن غلطتى انى كنت بطمن عليه ...يمكن غلطت عشان
خايفه عليه ...يمكن غلطت عشان بحبه وبهتم بيه .... يمكن ويمكن ومليون يمكن بي الاكيد ان فى حاجه غلط ...يمكن اللى سمعته مش
حقيقى ياريت ميبقى حقيقى .... بس ازاى وانا لسه سمعاه فى ودانى سمعه صوتها سمعه كلامها
الخارج سمعه انفاسها وهى بتقرب منه
فتحت عينى بسرعه وانا مخضوضه كنت شايفه صورتهم
قدامى
حطيت ايدى على عينى وعلى ودانى بشكل هستيرى ... وفضلت اقول بصوت مسموع وبعياط "مش
عاوزه اشوف حاجه ومش عاوزه اسمع حاجه يارتنى متصلت ... يارتنى مسمعت ...يارتنى كنت
لسه عايشه مخدوعه يارتنى لسه كنت شيفاه زى زمان "
اخدت نفس طويل ومسحت دموعى وجيه فى بالى مية سؤال
و سؤال قتلونى اكتر ووجعونى اكتر واكتر
لما يرجع من شغله هاقبله ازاى ؟...هقوله انى عرفت ؟
...هقوله انك خاين هقوله انك ضحكت عليه وعيشتنى فى وهم ؟؟؟؟؟
ولا هعيش برده دور المخدوعه واسكت واعيشى وارضى
واسكت
بس مش هقدر والله مهقدر .... مش هعرف امثل زيه ولا
هقدر اشوفه وانا كل شويه اسمع فى ودانى كلامهم .... طيب حتى لو سكت هفضل اسكت لحد
امتى ...بس ولادى وبيتى وحياتى ادمرهم بايدى
حسيت ان رجلى مش شيلانى وفى رعشه فى كل جسمى حسه
انى مهزوزه وحسه ببرد غريب مع ان الجو كان كويس
مشيت وانا مش قادره وقاعدت على اقرب كرسى وفضلى
قاعده ومغمضه عنيه ومش بتكلم و بعيط و حسه باى حاجه وكانى فى غيبوبه او فى عالم
تانى بس فوق على صوت ابنى الصغير
" ماما ... مالك انتى تعبانه "
"اه ياحبيبى ... شويه "
بصلى بخضه " مالك فى ايه ... طيب اتصل ببابا
"
انا بخوف " لاء ...استنى "
حاولت ابين انى احسن عشان اطمنه " متقلقشى
ياحبيبى انا بس مهزوزه تقريبا هاخد دور برد "
كان بصصلى وباين عليه الخضه لسه والشك من شكلى
" بص ياحبيبى انا هدخل انام شويه ..ولما بابا
يجى انا مجهزه الاكل اتغدو انتم ...ماشى "
" حاضر ....بس خدى دواء قبل متنامى "
قربت عليه بحب وخدته فى حضنى " ماشى ياحبيبى
"
ودخلت بسرعه على اوضتى قبل مدموعى تنزل ويبان جرحى
ووجعى
ودخلت على سرير الغريب انى معيطش تانى نمت على طول
زى ميكون جسمى وعقلى كانو رافضين كل حاجه حواليه ...يمكن انا نفسى كنت رافضه وجودى
فالدنيا والعالم ده ... نمت ميته يمكن كان نفسى فعلا اكون ميته ولما يجو يصحونى
متحركشى من مكانى وانفاسى تكون انتهت وعقلى يقف عن الدق والوجع بس للاسف برده ده
محصلشى
بعد فتره معرفش قد ايه حسيت بأيد بتحركنى بقلق
وخوف
"حبيبتى ...ياحبيبتى ... انتى كويسه "
بصتله بعين مغمضه شايفه شكله خيال وملامحه مش
ظاهره غمضتها تانى وبصتله كان اوضح شويه بس وضوحه ده فكرنى بكل حاجه وبداءت دموعى
تغطى على ملامحه تانى وتمحيها من قدامى
" حبيتى انتى كويسه ...انتى بتعيطى ليه
"
" ها ..اه كويسه ...دور برد بس تعبانه شويه
"
"طيب تقومى البسى نروح للدكتور "
حسيت بفرحه هو خايف عليه هو اكيد بيحبنى هو هو
هــــــــو
والصوت جالىمن تانى فى ودانى سمعت صوتها تانى وكلامهم
مع بعض مش عاوزه اسمع ... مش عاوزه اسمع
وصرخت بعلو صوتى "انتم ليه بتعملو فيه كده
... مش عاوزه اسمع "
قرب منى بخضه ومسكنى من كتافى وهزنى بقوى "
فى ايه "
بعدت عنه بسرعه " ابعد عنى متقربشى منى تانى
"
"فى ايه مالك ...انتى مش طبيعيه "
بدموع ووجع " اه مش طبيعيه وبسبك "
"بسببى انا ....ليه "
"عشان ...عشان"
وسكت مقدرتش اخد نفسى والكلام وقف فى حلقى وانا
حسه بمراره بس مفيش مفر
"انا سمعتك ...سمعت كل حاجه ...سمعت كلامها
ليك وكلامك ليها ...سمعت نفسك ...وحسيت بنفسها ...ليه عملت كده ....ليه كدت عليه
وعيشتنى فالوهم ....ليه خدعتنى ....ليه خونتنى ليييييييييييييييييه "
فضل واقف مصدومه وهو مش عارف رد عليه وانا تقريبا
كنت منهاره ومش عارفه انا بقول ايه و بعمل ....كل اللى بجد كنت حسه بيه هو .............وجـــــــــــــــــــــــــــــــــــع
تمت
للاسف مش عارفه النهايه هتقى ازاى بس اكيد انها
ترجع وهترضخ عشان بيتها وولادها
بس محبتشى اقر الحقيقه والنهايه دى بنفسى واكتبها وسبتها
مفتوحه ليكم
سبتها مجرد حاله واحساس بيوجع وبس ....اعتبروها
مجرد احساس مش قصه
skoby
انا لوفضلت اتكلممم بردوو موش هاوفيكي حقكك تحفههه بجدد
ردحذفتسلميلى
حذف