الحلقه السابعه
عمر : انا عاوز اتقدملها وده يكون شرف ليا........انا من عيله محترامه
وشقتى جاهزه واى طلبات حضرتك تطلبها او حبيبه تطلبها انا على استعداد
عصام بحزن: انا اسف ياعمر مش هقدر اوافق
عمر : ليه يافندم .....طيب اقدر افهم العيب فايه
عصام : العيب مش فيك صدقنى بس حبيبه عندها ظروف تمنعها انها ترتبط باى حد
عمر : موضوع تعبها
عصام باستغراب: انت عارف
عمر : اه عرفت امبارح من حبيبه
عصام : انا اسف برده ياعمر مش هقدر اوافق
عمر : ليه بس يا فندم
عصام : عشان مش هقبل انك تتجوز بنتى شفقه بنتى غاليه ومش خليك تتجوزها عشان
صعبت عليك
عمر : صدقنى يافندم مش شفقه...........انا هتكلم مع حضرتك بصراحه
.......انا من اول يوم شوفتها شوفت براءتها وعفويتها اعجبت بيها وبطريقة كلمها
الطفوليه وامبارح لما كنت معاها بجد كنت مبسوط اوى وفرحان ولما عرفت ظروفها وعرفت
انى كنت سبب ففرحتها وضحتكها حسيت انها بقت مسؤله منى ومسؤل عن فرحتها بجد يافندم
انا مش عاوز اتقدملها شفقه صدقنى انا بحبها
عصام : بجد مش عارف اقولك ايه.......بس حتى لو وافقت فى موانع طبيبه تمنعها
من الجواز قلبها ضعيف ميتحملشى اى مجهود ولا هتقدر تقوم بواجبتها ولا هتقدر تجبلك
اولاد ولا حتى تطبخلك ولا تعملك حتى اقل حاجه فالبيت
عمر : طيب حضرتك ممكن توافق على الخطوبه دلوقتى ونشوف الموضوع ده بعد كده
هنبقى نسال الدكاتره
عصام : وانت ليه تعذب نفسك كده وتتحمل كل ده
عمر : عشان بحبها....وعشان هى سبب فرحتى وسعدتى زى مانا كمان عاوز اكون سبب
فرحتها وسعدتها ...........عشان خاطرى يافندم فكر فالموضوع
عصام بتنهيده: ماشى ياعمر هفكر وهكلم حبيبه ومامتها وهقولك ردى النهائى
بكره ......وربنا يقدم اللى فيه الخير
روح عصام وهو دماغه مشغوله وبيفكر ومش عارف يعمل ايه يوافق على طلب عمر
ويشوف بنته مبسوطه ومرتبطه وبتحب زى اى بنت فسنها ولا يرفض وميظلمهوش معاهم كان
محتار ومش قادر يوصل لقرارواول موصل البيت منال مراته كانت قاعده بتتفرج على
التلفيون دخل قعد جانبها على الكنبه
منال: هقوم احضرلك الغداء
عصام : لا استنى مش جعان ...هى حبيبه فين
منال : نايمه فاوضاتها
عصام بقلق : مالها تعبانه
منال : لاء كانت سهرانه امبارح وصاحيه من بدرى اتغدت ونامت شويه
عصام : طيب كويس....فى موضوع مهم عاوز اكلمك فيه
منال: خير شكلك مش طبيعى
عصام: حبيبه جايلها عريس
منال باستغراب : عريس ازاى يعنى .....مين ده وعرفها منين ..........وعرف
انها مريضه
عصام : اه ومتمسك بيها........وانا مش عارف اقوله ايه
منال: طيب حكيلى بس وفهمنى ايه اللى حصل
عصام حكى كل حاجه حصلت بينه وبين عمر
عصام : ها ايه رايك
منال: الراجل شكله بيحبها فعلا وبصراحه انا عمرى مشوفت بنتى فرحانه اوى كده
زى امبارح انت كنت شايف عامله ازاى وضحكتها طول اليوم مفارقتهاش بعد مكانت على طول
حزينه
عصام: مهو ده اللى محيرنى اكيد عاوز سعاده بنتى بس فنفس الوقت ليه احكم على
شاب زيه يعيش مع واحده مريضه ابسط حقوقه مش هتقدر تقدمهاله......مينفعشى نفكر
بانانيه وفى سعدة بنتنا على حسابه
منال :بس هو راضى وعارف انا مخدعنهوش ولا خبينا عليه الحقيقه و جبناه من
بيته وفرضاها عليه هو اللى طلبها وشريها
عصام: ماشى هو راضى وعارف وموافق بس اهله هيوفقو على وضع زى ده انا معنديش
استعداد ادخل بنتى فمشاكل ووجع قلب هى مش مستحمله
منال: ما احنا مش هنوافق غير لما نلاقى الكل موافق ولو حسينا فى رفض من
اهله منوفقشى يعنى احنا هنرمى بنتنا عليهم
وسكتو شويه وهم بيفكرو
منال: طيب بص اناهصلى استخاره ومن دلوقتى لصبح ربنا يقدم اللى فيه الخير
ولو ليهم نصيب فبعض مش هنقف فوشهم
عصام وهو قايم داخل اوضه :عندك حق اللى فيه الخير يقدمه ربنا
ونكمل الحلقه اللى جايه
جميله وتسلم ايدك
ردحذف