الحلقه الخامسه
كان يوم حلو اوى وكلهم كانو مبسوطين وفرحانين كانو حاسين انهم عيله واحده
بس عمر كان بيستغرب من حبيبه اللى كانت بترفض تلعب اى لعبه فالملاهى كانت
بتكتفى انها تتفرج عليهم
وبعد متعبو ومريم تعبت منهم ونامت قرارو انهم يروحو
عمر :انتى معاكى عربيتك
حبيبه : لا بابا مش راضى يدهانى من يوم الحادثه
عمر : طيب تعالى اوصلك الاول وبعدين نروح
وفالطريق
مريم كانت نايمه فالكنبه اللى وراء وعمر وحبيبه كانو ساكتين
عمر بفضول : هو انا ممكن ابقى فضولى شويه واسالك على حاجه
حبيبه : اتفضل
عمر : هو انتى ليه مرضتيش تلعبى اى لعبه .....ايه بتخافى
حبيبه بارتباك : مش موضوع خوف
عمر : طيب ايه ....المفروض بنت فسنك يبقى كلها نشاط وجراءه ومتهوره كده بس
انتى هاديه اوى وحسك وحيده ودايما بشوفك حزينه ..........بصراحه انا مستغربك
حبيبه بتوتر : مستغربنى.... ليه بقى؟
عمر : يعنى انى القى فالملاهى ولوحدك وحزينه وكمان ترفضى تلعبى اى لعبه مش
غريبه شويه
حبيبه : مفيش داعى للاستغراب .....هو كل الموضوع انى مريضه
عمر سكت مكنشى عارف يقولها ايه وبعد شويه اتكلمت حبيبه
حبيبه بتنهيده: انا عندى ضعف فالقلب عيب خلقى مولوده بيه وبابا وماما اكتشفو
وانا عندى 5 سنين وبسبب كده معرفتش اعيش طفولتى كنت طول الوقت بين المستشفيات
والدكاتره وكانت اقل حركه بتتعبنى وكان كل حلمى وانا صغيره انى ابقى زى اى طفله
العب واجرى واروح الملاهى وانبسط بس ده كان شبه انتحار بالنسبه لى ........وخوف
بابا عليه بعدنى عن كل الناس ومكنشى ليه
اخوات ولا حتى اصحاب حتى دراستى كان معظمها وانا فالبيت وبروح المدرسه على
الامتحانات وبس ....بقيت وحيده ودايما حسه انى ناقصنى حاجه مع ان بابا بيحاول
يرضينى بكل الطرق الممكنه
وبدات دموعها تنزل منها وهى بتتكلم
وعمر : بجد انا اسف .....بس عشان خاطرى متعيطيش
حبيبه : ولا يهمك متقلقشى عليا انا بقيت متعوده على الحزن ومتتاسفش مش انت
السبب فدموعى
مسحت حبيبه دموعها وبعد مهديت شويه
حبيبه بابتسامه ولسه الدموع فى عنيها: بس بجد انا كنت مبسوطه اوى انهارده
....انت عارف انا كل فتره لما احس انى مخنوقه اروح الملاهى وافضل قاعده اتفرج على
الاطفال وهم بيلعبو بصراحه كنت ساعات بحسدهم وساعات تانيه كنت بضايقه انى مش قادره
اعمل زيهم واقعد اسرح واتخيل نفسى بلعب زيهم.............بس انهارده اول مره احس
انى مبسوطه لما شوفت مريم فكرتنى بنفسى حسيت ان انا اللى بلعب وبجرى وبتطنت حسيت
بفرحتها
عمر وحبيبه كانو مروحين من الملاهى وبيتكلمو
حبيبه: وكتشفت حاجه كمان
عمر : اكتشفتى ايه ؟
حبيبه : ان لو فى ناس بحبهم شوفتهم مبسوطين وشوفتهم بيعملو اللى نفسى اعملو
بحس كانى انا اللى عملت كده .......لما شوفتك انت ومريم كنت مبسوطه بعكس احساسى
قبل كده بالزعل او انى ممكن احسدكم
عمر بابتسامه: احم احم..... بتحبيهم
حبيبه برتباك : قصدى بعزهم يعنى وبحترمهم
ضحك عمر وحبيبه حست بالكسوف
ونكمل الحلقه اللى جايه
جميله وتسلم ايدك
ردحذف