الحلقه السادسه
عمر وحبيبه كانو مروحين من الملاهى وبيتكلمو
حبيبه: وكتشفت حاجه كمان
عمر : اكتشفتى ايه ؟
حبيبه : ان لو فى ناس بحبهم شوفتهم مبسوطين وشوفتهم بيعملو اللى نفسى اعملو
بحس كانى انا اللى عملت كده .......لما شوفتك انت ومريم كنت مبسوطه بعكس احساسى
قبل كده بالزعل او انى ممكن احسدكم
عمر بابتسامه: احم احم..... بتحبيهم
حبيبه برتباك : قصدى بعزهم يعنى وبحترمهم
ضحك عمر وحبيبه حست بالكسوف
حبيبه : احنا خلاص وصلنا ....شكرا اوى يا عمر على انهارده
عمر : بتشكرينى على ايه
حبيبه بعفويه : انك قدرت ترسم الضحكه على شفايفى وده مش اى حد يقدر يعمله
معايا ....بجد شكرا اوى وابقى سلملى على مريم
عمر : هشوفك تانى
حبيبه : ليه
عمر : عشان مريم مش بقيتو اصحاب
حبيبه بابتسامه : ربنا يسهل .......... مع السلامه
عمر : مع السلامه
وفضل عمر باصص عليها لحد مطمن لدخولها العماره ومشى ووصل البيت وهو شايل
مريم وهى نايمه
الام : هى نامت منك .....هاتها انايمها فالاوضه جوه
عمر : ماشى ياماما بس براحه عشان متصحاش دى اتشاقت اوى انهارده
الام : متقلقشى .........احضرلك الاكل
عمر : لا انا شبعان ........انا هدخل اوضى استريح شويه
ودخل عمر على السرير وفرد نفسه وقعد يفكر فى حبيبه وكلامها وتعابها
وجات على باله كلمت حبيبه" انك قدرت ترسم الضحكه على شفايفى وده مش اى
حد يقدر يعمله معايا"
ساعاتها حس بمسؤلية انه يرسم الضحكه على شفايفها وفضل طول الوقت يفكر فيها
لحد مستسلم للتعب ونام
تانى يوم فالشركه عمر راح على مكتب المدير وطلب انه يقابله ضرورى
وعند المدير
عصام : خير ياعمر انا مشغول اوى طالب تشوفنى ليه
عمر : انا اسف يافندم بس الوسيله الوحيده للاتصال بحضرك هى هنا .........لو
حضرتك مشغول ممكن اقبل حضرتك بره بعد الشغل
عصام باستغرب : بره الشغل ليه هو الموضوع مش خاص بالشغل
عمر : بصراحه لاء
عصام : خير فى ايه انت قلقتنى
عمر : مفيش داعى للقلق خير ان شاء الله لو ينفع حضرتك نتقابل بعد الشغل فى
الكافتريا اللى قدام الشركه
عصام : انا عندى اجتماع دلوقتى ولما نخلص ميعاد الشغل نتقابل على 6 كده
عمر : اوكى يا فندم مفيش مشكله .........بعد اذنك
وفعلا قبل الميعاد بخمس دقايق كان عمر قاعد ومستنى عصام وفى الميعاد كان
عصام موجود وقاعد مع عمر
عصام : خير ياعمر فى ايه
عمر : انا امبارح قابلت الانسه حبيبه فالملاهى
عصام : اها حبيبه حكاتلى هى مش بتخبى عنى اى حاجه.....ودى فرصه اشكرك انك
اهتميت بيها ومسبتهاش لوحده
عمر : لا شكر على واجب..........انا كنت عاوز حضرتك فموضوع خاص بالانسه
حبيبه
عصام بقلق : مالها حبيبه
عمر : انا عاوز اتقدملها وده يكون شرف ليا........انا من عيله محترامه
وشقتى جاهزه واى طلبات حضرتك تطلبها او حبيبه تطلبها انا على استعداد
عصام بحزن: انا اسف ياعمر مش هقدر اوافق
عمر : ليه يافندم .....طيب اقدر افهم العيب فايه
عصام : العيب مش فيك صدقنى بس حبيبه عندها ظروف تمنعها انها ترتبط باى حد
عمر : موضوع تعبها
عصام باستغراب: انت عارف
عمر : اه عرفت امبارح من حبيبه
عصام : انا اسف برده ياعمر مش هقدر اوافقونكمل الحلقه اللى جايه
اكيد خايف عليها من الجواز لان احيانا الجواز بياثر على مرضى القلب
ردحذف