الحلقه الثامنه
نادر كان ماشى بعربيته وبيتكلم فالتليفون
نادر : اه انا جى فالطريقه اهوه
صفيه : جبت الحاجات اللى قولتلك عليها
نادر : اه ... هى فرحه جات ولا لسه
صفيه : لا لسه ... هتيجى كمان نص ساعه
نادر بفرحه : طب تمام هفوت عليها اجبه معايا
صفيه : مهى هتيجى مش معاها عربيه
نادر : هفوت يمكن محتاجه حاجه وكمان الفساتين كتير اكيد العربيه مش هتاخدهم
كلهم
صفيه بابتسامه : حجج قرعه ... متقول انها وحشتك وعاوز تروح تشوفها وخلاص
نادر باحراج : انا ... وهتوحشنى ليه يعنى ... انا بس هروح عشان لو محتاجه
حاجه
صفيه : هههههه بجد ... طيب عموما ربنا يريح قلبك وينولك اللى فبالك
نادر : امين يارب ... ياله سلام وانا شويه وهكون عندك انا خلاص وصلت عند
محل فرحه
صفيه : ماشى مستنياكو ... سلام
نادر ركن عربيته ونزل وهو فرحان انه هيشوف فرحه
بس وهو بيقرب من المحل سمع صوت عالى دخل بسرعه وهو مخضوض
شاف فرحه منهاره فالعياط وفى راجل كبر فى السن بيتخانق معاها
على بزعيق : انتى بتقولى ايه
فرحه بعصبيه وبصوت عالى : انت مجنون ... انت مش انسان طبيعى ... لحمك ايه
اللى عاوز تلمه وكان فين لحمك ده لما قفلت الباب فى وشى فى اكتر وقت انا محتجالك
فيه ... كان فين لحمك ده اكتر من سنه وانا مقفول عليه باب وعايشه ولا الكلبه بين
اربع جدران ولا ليه ولا اب ولا ام ولا اخ ... وجى انهارده بعد كل ده عاوز تجوزنى
للعيل ابنك عديم الشخصيه عشان تستولى على كل حاجه وتتحكم فيه وفى فلوسى يلعن ابو
الفلوس اللى تعمل كده بين الناس
فرحه بدموع وانهيار اكتر : يلعن ابو الفلوس اللى تخلى عم يرمى بنت اخوه
ويتبرى منها ويخاف منها على بنته وفالاخر جى دلوقتى عشان يستعبدها ويجوزها لعيل
اصغر منها وهو بيتشفى فيها .... انت كده بتعرينى مش بتلم لحمك
فرحه وهى بتحاول تسيطر على نفسها وتمسح دموعها : انا طول الفتره دى كنت
بحاول برده مكرهكشى وديك اى عذر مع ان اللى عملته معايا ملهوش اى عذر بس انهارده
بجد اتاكدت انك انسان انتهازى وانانى ومبتفكرشى غير فى نفسك وبس
على رفع ايده عشان يضرب فرحه بالقلم بس لقى ايد بتمسك ايده وبتزقه بعيد
على بص على نادر وبعصبيه وهى بيقرب منه : انت اتجننت انت ازاى تعمل كده ...
انت مين اصلا
وبيقرب منه عشان يمسك فيه
نادر وهو بيمسك ايه الاتنين : انا خطيب فرحه واى حاجه تمسها تمسنى ولو
حاولت تضايقها تانى محدش هيقف قدامك غيرى
على : ايه خطبها ... وده من امتى ... انت اكيد واحد نصاب عاوز تاخد فلوسها
وانا مش هسمحلك
نادر : انا اللى مش هسمحلك تانى تقرب منها وانا بحزرك لو شوفتك تانى بضايق
فرحه انا هتصرف معاك ....واتفضل دلوقتى من غير مترود
نادر قرب من فرحه وهى كانت وقفه اصلا مصدومه والدموع ماليه وشها
نادر وبيطلع منديل وبيمسحلها دموعها : ياله ياحبيبتى عشان منتاخرشى على
مشورنا
فاطمه بفرحه : وانا ثوانى و هقفل المحل احط الفساتين فالعربيه يا ابله فرحه
نادر وهو بيبص لفاطمه : حطيهم فى عربيتى يا بطه
فاطمه : حاضر يا استاذ نادر
نادر مسك ايد فرحه وخرجها بره المحل وعلى لسه واقف مش مستوعب والغيظ والحقد
ماليه
فاطمه بغيظ : هو حضرتك مش بتسمع قولنا هنقفل ولا حضرتك ناوى تبات هنا
على وهو بيزق فاطمه : غورى من وشى
ومشى وسابها
فاطمه : منك لله يا شيخ ربنا ينتقم من المفترى
فى العربيه
فرحه قاعده سرحانه وبتبص من شباك العربيه ودموعها نزله
فاطمه ونادر قاعدين مضايقين وبيبصو عليها من وقت للتانى وهم ساكتين ومش
عارفين يعملولها ايه
فاطمه : خلاص بقى يا ابله فاطمه قطعتى قلبى
فرحه مش بترد
فاطمه : صدقينى ده راجل واطى وميستهلشى دموعك دى
فرحه بضيق : فاطمه عيب كده متنسيش انه عمى
فاطمه بضيق : عمك ايه بس هو خاله فيها عم ... انتى قلبك الطيب ده اللى مطمع
الناس فيكى .... كبرى دماغى وانسيه وكانه مجالكيش وعيشى حياتك زى ماكنتى وافرحى
ومتشغليش دماغك بيه
فرحه بدموع : انا بس مش مصدقه ان فى ناس كده ... الله يرحمك يا بابا ليه
سبتنى لوحدى ... يارتنى كنت موت معاهم ومشوفتش الناس بتاكل بعض كده
فاطمه : حرام عليكى استغفرى ربنا ومتقوليش كده تانى
فرحه وهى بتمسح دموعها : استغفر الله العظيم يارب
فاطمه عشان تهدى الجو : بس ربنا يحميه استاذ نادر جيه فى وقته وعرف يوقفه
عند حده
فرحه بعد مفتكرت اللى عمله نادر بصتله بارتباك : انا مش عارفه اقولك ايه
... بس مكنشى ليه لزمه تعمل كل ده
نادر : انا معملتش حاجه ... وبعدين انا عاوزك تعتبرينى من عيلتك ولو حد
ضايقك تانى تكلمينى على طول
فرحه :بس انا مش عاوزه اتعبك معايا وكفايه اوى اللى حصل انهارده
نادر وهو بيركن : احنا وصلنا
وهو نازل من العربيه بص لفرحه بحب : مينفعشى تقولى لخطيبك بتعبك معايا ومش
عاوز اشوف دموعك دى تانى
وسبها ونزل
فرحه بصت لفاطمه اللى كانت الابتسامه ماليه وشها وهى مستغربه تصرفاته
وافعاله
وبعدين نزلو هم الاتنين
فى الدار كان نادر طول الوقت واقف مع صفيه وبيتكلمو فالتجهيزات الاخيره
للفرح بس كان من وقت للتانى يبص على فرحه عشان يطمن عليها بس من غير ميتكلم معاها
وفرحه كانت مشغوله مع فاطمه فى
تظبيط الفساتين على البنات بس برده من وقت للتانى تفكر فى نادر وتبص عليه من بعيد
وهى مش فهماه ولا فهمه نفسها واحساسها
شويه وخلصت والكل البنات اختارو فساتنهم وكانو فرحانين جدا وفرحه نست زعلها
فى وسط فرحة البنات
وبعد حوالى ساعتين من الشغل فرحه كانت خلصت
فرحه قربت من صفيه اللى كانت وقفه مع نادر
فرحه : ابله صفيه انا خلصت خلاص والبنات اختار الفساتين
صفيه بابتسامه : طيب تمام ... معلشى تعبتك معايا انهارده يا فرحه
فرحه بابتسامه : مفيش تعب ولا حاجه ... حضرتك هتعوزى حاجه تانيه منى
صفيه : لا شكرا يا حبيبتى ... بس استنى تتغدى معانا انتى وفاطمه
فرحه بتردد : لا شكرا ... انا لازم امشى عشان قفله المحل
صفيه : لا طبعا مينفعشى المحل يستنى شويه ... ياله يانادر انت مجوعتش ولا
ايه
نادر : لا عادى ياله بينا و نكمل بعد الغداء
فى مكتب صفيه
كانت صفيه وفرحه وفاطمه ونادر قاعدين وبياكلو
فاطمه : تسلم ايدك يا ابله صفيه الاكل حلو اوى
صفيه : تسلمى يا بطه بالهنا والشفا
وبعدين بصت لفرحه اللى تقريبا مبتكولشى
صفيه : ايه يا فرحه الاكل مش عجبك ولا ايه
فرحه : لا ابدا بالعكس ده الاكل حلو اوى ... بيفكرنى باكل ماما الله يرحمها
نفس الطعم
صفيه : الله يرحمها
نادر قام من مكانه وهو مضايق : الحمد لله انا كلت ...فين الحاجه اللى هحطها
فالعربيه عشان اوصلكم
فرحه : بلاش تتعب مفسك احنا هنمشى احنا وشف انت بقيت شغلك
نادر : لا طبعا مينفعشى زى مجبتكم هوصلك لحد المحل ... لو خالصتى يا فاطمه
تعالى معايا نحط الحاجه فالعربيه
وقامت فاطمه وخرجت مع نادر وفضلت فرحه قاعده مع صفيه
صفيه بتردد : ينفع اسالك مالك ؟
فرحه بحزن : مفيش .. شوية مشاكل وهتتحل متقلقيش
صفيه : ينفع اطلب منك طلب
فرحه : اتفضلى
صفيه : انا ربنا مرزقنيش باولاد بس الحمد لله كل بنات الدار بناتى وكمان
نادر ونادين ربنا يخليهملى بعتبرهم ولادى واكتر ... يعنى لو ميضيكيش ان ولادى يزيدو واحد و
تعتبرنى زى مامتك ولو احتاجتى اى حاجه انا موجوده فى اى وقت
فرحه زى متكون مصدقت وجرت استخبت فى حضن صفيه وفضلت تعيط جامد وصفيه بطبطب
عليها لحد مهددت خالص
فرحه مابين عياطها : ماما وبابا وحشونى اوى انا حسه انى وحيده
وبعدين بعدت عن صفيه : متعرفيش انا كنت محتاجه للحضن ده كد ايه
صفيه بتاثر : وانا موجوده فى اى وقت تحتاجينى فيه ... ومش عوزاكى تترددى فى
حاجه انتى فاهمه
فرحه بابتسامه حزينه : انا متشكره اوى
صفيه : عيب تشكرى مامتك على حاجه زى دى ... مش كده برده
فرحه رجعت لحضنها تانى : ربنا يخليكى ... انتى متعرفيش انا ارتحتلك وحبيتك
قد ايه
صفيه : بحنيه : وانا كمان .... انتى بجد يا فرحه فرحه لكل اللى يعرفك
ونكمل بقى الحلقه اللى جايه
ليست هناك تعليقات:
إرسال تعليق