الحلقه الثانية والعشرون
البنات كانو قاعدين يضحكو ويهزرو مع بعض
وفجاءه لقو الباب بيخبط
نور وهى بتعدل السرير : احترمو نفسكم بقى اكيد طنط
مريم بخضه: لاء ماما مش هنا محدش
فالبيت غيرنا اصلا
ساره : ليكون عفريت
نور :يا سلام يمكن تهيوئات
ساره : ياسلام يازكيه كلنا هيجلنا نفس التهيؤات
مريم : طب وبعدين ...........طب اتكتمو شويه عشان نسمع
سكوت تام فى الاوضه وهم قاعدين على السرير ومسكين فى بعض
شويه وسمع صوت خربشه على الباب
مريم بخوف : انتم سامعين ..............ليكون فار
نور وهى بتصوت وبتنط على السرير : ايه فااار
ساره : بس يا غبيه هو لو فار هيخبط يعنى بيستأذنا يعنى ..............قومى
يامريم افتحى ممكن يكون طنط جات من بره
مريم : وانا مالى قومى افتحى انتى
ساره : ماشى يا جبانه هقوم اهوه
ساره بتقرب على الباب وهى من جواها خايفه بس بتحاول متبينشى
وفجاءه تفتح ساره الباب تلاقى قدمها ______________________
وتصوت مريم جاااااااامد : محمـــــــــــــــــد
ونتطت على اخوها وحضنته جامد
محمد : وحشتينى يا مجنونه
.........براحه هتوقعينى
مريم وهى بتعيط وبتضحك : انت
مقولتش ليه انك هتيجى عشان اجيلك المطار
محمد : عشان اشوف دموعك وضحكتك كده مع بعض .......واللهى مجنونه بس زى
القمر
مريم وهى حضناه : واللهى وانت غلس اوى بقى
نور وساره وقفين يتفرجو ومش عارفين يعملو ايه
نور : طب احنا هنمشى بقى ونكلمك بعدين يا مريم
محمد بص على نور وساره : انا اسف اوى يا جماعه على الخضه وكمان مريم شغلتنى
ومعرفتش اسلم عليكم
ساره بابتسامه : ولا يهمك حمد الله على السلامه .........ياله يا نور
نور وساره مشو محمد فضل مع مريم يتكلمو ويحكو ويهزرو مع بعض
.........................................................................................
وتعدى الايام ويجى يوم الفرح
مريم كانت عروسه زى القمر ونور وساره مفرقوهاش لحظه وكانو معاه فالكوافير
وهم كمان كانو حلوين اوى وشيك اوى
مريم وباين عليها الزعل : وبعدين يا نور هعمل ايه
نور : متقلقيش بس انتى انا هاخد تاكسى هروح اجيبه بسرعه وهاجى
مريم : مش عارفه ايه الغباء اللى انا فيه ده حد ينساه خاتم خطوبته يوم فرحه
وهتبداء تعيط
ساره : بس يامريم بقى هتبوظى الدنيا مش مشكله يا حبيبتى اهدى انتى بس
نور قاعدت جانبها : مفيش حاجه يامريم ده طبيعى من القلق والتوتر اللى انتى
فيه انا هروح دلوقتى اجيبه وهحصلك على القاعه ماشى
مريم : بس متتاخريش مش هينفع ادخل القاعه من غيره
نور : متقلقيش
تخرج نور بسرعه من الكوافير وتقابل محمد فوشها
محمد بابتسامه : نور ازيك ايه الحلاوه دى
نور بقلق : الحمد لله
محمد بقلق : فى ايه
نور : مفيش وقت مريم نست الخاتم بتاعها ولازم اجبهولها حالا
محمد وهو بيبص فالساعه : ده خالد زمانه جى مش هتلحقى
نور : هاخد تاكسى وهحصلها على القاعه معمال ما يعملو الزفه هكون وصلت ان
شاء الله
محمد : طب استنى هوصلك عشان نلحق
نور بارتباك : ملهوش لزوم هاخد تاكسى
محمد : مينفعشى تركبى تاكسى وانتى كده ....بصراحه اخاف عليكى
وقبل ما ترد عليه
مشى محمد ناحية العربيه : ياله عشان منتاخرشى عليها
وفعلا مشت نور معاه عشان متتاخرشى على مريم
...........................................................................................
فى العربيه
محمد : ايه ساكته ليه ؟؟
نور : هقول ايه يعنى
محمد : اى حاجه ..... عشان الملل والسكوت ده
نور : امممممممم اخبار لندن ايه؟
محمد : كويسه وبتسلم عليكى
نور : مريم كانت زعلانه اوى لما سافرت
محمد : عارف انا عارف انها مرتبطه بيه بس هعمل ايه مكنشى ينفع اضيع الفرصه
دى
نور : عندك حق ...........وبعدين احنا معاها متقاقش
محمد : ربنا يخليكو لبعض .............مريم على طول بتحكيلى عليكى انتى
وساره وازاى بتقفى جانبها
نور : على ايه احنا اخوات
محمد: واخبار الدراسه ايه ؟؟
نور : الحمد لله تمام
محمد : ناويه تشتغلى ولا زى بنات اليومين دول هتتجوزى وهتقعدى فالبيت
نور بابتسامه : لا هكمل دراسه واحضر الماجيستير والدكتوره ان شاء الله
وعندى امل اتعين فالجامعه
محمد : اه انا سامع انك دحيحه ويتطلعى الاولى على طول ربنا يوفئك يارب
نور : ربنا يخليك
محمد : بس بصراحه انا مستغرابك اوى
نور باستغراب : ليه ... مش فاهمه؟؟
محمد : يعنى لما مريم بتتكلم عليكى وعلى مواقفك بحسك عاقله اوى يمكن زياده
عن اللزوم
نور : زياده عن اللزوم ؟؟
محمد : اه انتى ليه مبتحوليش تستخدمى قلبك شويه .........على فكره العقل مش
على طول صح
نور : غريبه مع انك عايش فى لندن واكيد قابلة بنات كتير عمالين
محمد : ومين قالك انى بحب كده البنت بنت والبنت مخلوقه عاطفيه اكتر وده علم
على فكره من من عندى
نور : نحن نختلف عن الاخرون
محمد : انتى شايفاه اختلاف ولا خوف
نور بارتباك : خوف ..........على فكره احنا وصلنا نتكلم بعدين عشان الحق
طنط قبل ما تنزل
ونزلت نور بسرعه بعد ما حست ان محمد عرف نقطة ضعفاها
ونكمل الحلقه اللى جايه
ليست هناك تعليقات:
إرسال تعليق