الحلقه الرابعه
على قد مكنت فرحانه بالخروجه دى على قد مرجعت منها وانا متعكننه دخلت اوضتى
بعد من غيرمتكلم ولا كلمه وفضلت طول الوقت سرحانه وبفكر فى كلام خلود وكنت مضايقه
جدا من ردة فعلى وكلامى معاها
انا صحيح معرفهاش من فتره كبيره بس هى بقت اقرب وحده ليه بعد ماما وكنت
بعتبرها اخت ليه عمرى مشوفت منها حاجه وحشه ولا يوم زعلنا من بعض كانت
دايما بتنصحنى وبحس بحبها ليه منكلامها وافعالها انا فعلا كنت غبيه اوى
معاها بس بعد ايه خلاص انا بوظت الدنيا
تانى يوم
صحيت وانا بنفس الحاله حسه انى مضايقه اوى من نفسى
فالوقت ماما كانت وقفه فى المطبخ بتحضر الفطار
انا : صباح الخير
ودخلت عشان اساعدها وانا ساكته
منى باستغراب : خير مالك
انا:مالى يعنى
منى: مش عوايدك تصحى هاديه كده ....فى حاجه مزعلاكى .... حساكى مش طبيعيه
من امبارح
انا:مفيش حاجه
ماما سابت اللى فى ايدها وقربت منى: من امتى بتخبى عليه
انا: مفيش بجد ... بس اتخانقت مع خلود عادى يعنى بكره نتصالح
منى: بس كده دى لازم خلود غاليه عندك اوى كده عشان تزعلى كده على زعالها
انا : هى تقريبا صحبتى الوحيده وبصراحه لما راجعت نفسى لقيت نفسى غلطانه
.... والاعتراف بالحق فضيله
منى بابتسامه بهتانه : خلاص شويه وتبقى تكلميها تصلحيها
انا بقلق: خايفه مترضاش
منى:لا متقلقيش اعملى انتى بس اللى عليكى وهى مش هتزعل منك ولاهتكسفك
انا:ان شاء الله
خلصنا الفطروجهزنا السفره وفى وسط الاكل كانت ماما طول الوقت سرحانه
انا : ماما هو ينفع اروح لخلود بدل مكلمها
انا: ماما بكلمك
منى:ها ...عاوزه ايه
انا:انتى مالك برده شكلك مضايقه من امبارح ....هو مستر هشام زعلك فى حاجه
منى بضيق:لا ابدا مفيش
انا: مش انتى لسه قايله مينفعشى نخبى عن بعض حاجه ... ياله قولى بقى
منى: بعدين يا حياه بعد الفطارهحكيلك ... بس قولى كنتى بتقولى ايه
انا:بقولك ينفع اروح لخلود عشان يعنى اصالحها كده هيبقى احسن من انى اكلمها
فالتليفون
منى: اوكى ماشى بعد الغداء هنزل اوصلك وبعدين اروح اجيب طلبات وبعدين
ارجعلك لما اخلص
انا بفرحه:اوكى ربنا يخليكى ياماما .... ها بقى مش هتحكيلى مالك
منى :قومى اعمليلنا كوبيتين شاى وانا هستناكى فالانتريه احكيلك وكمان شيلى الاكل ده واغسلى الاطباق
انا: احنا هنبتديها ذل بقى عشان تحكيلى
منى بابتسامه : ده مش اسمه ذل ده
اسمه حسن استغلال الفرص
وقامت وسبتنى وانا بعد شويه خلصت وعملت الشاى وروحتلها
انا : ها بقى احكيلى ...زعلانه من ايه
منى بتنهيده: هو مش زعلانه بس يمكن متلخبطه شويه
انا باستغراب : من ايه
منى : امبارح لما قومتى مع خلود وسبتينى مع مسترهشام
فلاش باك
منى كانت قاعده محرجه وبتبص حواليها
هشام: مالك بدورى على حد
منى:لا ابدا بس حسه ان الوضع مش حلو
هشام باستغراب : وضع ايه
منى بارتباك: يعنى عشان قاعدين كده لوحدينا ربنا يستر ومحدش من اهل جوزى يشوفنى
مش هسلم من كلامهم
هشام :ليه هوانتى بتعملى حاجه غلط
منى:مش موضوع غلط بس الناس مش بترحم وانا من يوم وفاة جوزى وانا مقراره اخلى
بالى على سمعتى وسمعت بنتى كانه موجود واكتر
هشام: تعرفى انا حابب فيكى وفائك ده اوى مفيش وحده بتعمل كده دلوقتى
منى : انت متعرفشى انا كنت بحب جوزى ازاى ولا هوعمل ايه عشانى ربنا يرحمه
يارب انا كنت هموت بعد وفاته لولا خبر حملى
فى حياه اللى ردنى تانى للدنيا
هشام بضيق: بس هو خلاص مات ...يعنى مينفعشى تسيبى نفسك كده وحيده مع بنتك
انتم محتاجين راجل يقف جانبكم ويساعدك فى
تربيتها
منى بابتسامه : بتفكرنى بكلام ماما الله يرحمها كانت كل مشاكلى معاها بسبب
الموضوع ده بس انا خلاص مش بفكرغيرفى مستقبل بنتى وبس
هشام : بس انتى لسه جميله وفى عزشبابك حرام تعملى كده فى نفسك وتحمليها فوق
طقتها
منى: انا اتعودت خلاص ع حياتى كده وحياه ماليه عليه دنيتى ومش محتاجه حاجه
تانيه
هشام : طيب لوفى حد معجب بيكى وعاوز يتقدملك ومستعد يتحمل المسؤليه دى عنك
ويحافظ على بنتك ويساعدك هترفضى برده
منى :صدقنى محدش بيشيل مسؤلية حد
وبعدين انا ايه اللى يضمنلى ان حياه تجبه او انى ارتاح معاه ممكن تحصل مشاكل كتير
انا فى غنى عنها انا مرتاحه كده بنتى وبس
هشام باصرار : بس ممكن تكون حياه بتحبه وانتى كمان بترتاحى معاه يبقى ايه
المانع
منى بتريقه : انت مصر كده ليه ع
الموضوع ده انت جيبلى عريس
هشام : بصراحه اه
منى باستغراب: عريس !...بتهزرولا بتتكلم جد
هشام: بتكلم جد طبعا ...بصراحه كده انا معجب بيكى وعاوزاتقدملك وشايف انك
بترتاحى فالكلام معايا وحياه بتحبنى يعنى مفيش مشكله
منى وهى بتقوم من مكانها : انت اتجننت
هشام :اتجننت عشان بحبك
فضلت مصدومه شويه لحد مقربت عليها حياه
منى بترجع للواقع وبس ياستى هو ده كل اللى حصل
انا كنت مصدومه من اللى بسمعه ومش قدره اتكلم من كتر الدموع اللى متحاشه
جوايا
منى : عشان كده حسه انى متلخبطه .... جوايا احاسيس مختلفه ومش فهماها لسه
وكمان مش عارفه هقدراتعامل معاه ازاى تانى بعد اللى قاله ده ...انتى ايه رئيك
انا بصوت متحاش :اللى تشوفيه .... انا هقوم ادخل الحمام
وقومت جرى قبل مدموعى تنزل
دخلت وقفلت عليه وفضلت اعيط بشكل
هستيرى مش قدره اسكت نفسى ولا حتى قدره اخد نفسى من كترالعياط
شويه وغسلت وشى ودخلت اوضتى وفضلت
فيها طول اليوم شويه اعيط وشويه الهى نفسى باى حاجه عشان ماما متخدشى بالها
مكنتش مصدقه يعنى هو كان بيقرب منى عشانها مش عشانى كل الاهتمام ده كان
ليها مش ليا كنت حسه بالغيره منها وانها خطفت حب حياتى بس هى ملهاش ذنب هى مقالتشى انها هى كمان بتحبه بس هو حبها هى ومحبنيش
انا
طب وبابا وحبها ليه والحياه اللى كنت بشوفها فى عنيها وهى معاه كل ده ممكن يروح
فى ثانيه ورجل غريب يدخل حياتنا لا طبعا انا مش موافقه وعمرى مهوافق على كده
بس كده هبقى انانيه ومش بفكرغير فى نفسى هى ضحة عشانى كتير وعاشت وحيده
عشان تربينى وتحملت مشاكل كتيرعشانى وعشان بابا لوهشام هو اللى هيفرحها وهيساعدها
ويشيل من عليها الهم المسؤليه يبقى ليه لاء
ايوه طبعا لاء انا اللى بحبه ومش هينفع
اشوفه جوز لامى انا هموت من
كتر التفكير بجد حسه انى هموت يعنى
مفيش غير هشام عشان يحبك انتى بجد حرام
وبداءت اعيط من تانى
ونكمل بقى الحلقه اللى جايه
