الحلقه السادسه
كل يوم خلال الاسبوع كان نادر كل يوم وهو راجع من شغله يعدى على محل
فرحه ويفضل واقف قدامه بالساعات لحد
ميشوفها وهى خارجه وتقفل المحل ومعاها فاطمه وتركب عربيتها وتروح
وفى اليوم المنتظر اللى هيشوفها فيه اخيرا عن قرب وياخد منها الميداليه
نادر دخل المحل كانت فرحه زى العاده قاعده فى مكانها ومشغله فيروز وبتشتغل
فضل واقف شويه من بعيد يبص عليها لحد مقربت منه فاطمه
فاطمه : اهلا استاذ نادر .. شرفتنا
نادرباحراج : شكرا ...انا جى عشان الميداليه
فاطمه بابتسامه : المحل محلك فى اى
وقت اتفضل ...انسه فرحه
فرحه انتبهت لصوتها وشافت نادر
قرب منها وقاعدعلى الكرسى اللى قدامها
نادربابتسامه :صباح الخير.... اخبارك ايه ؟
فرحه بجديه: تمام الحمدلله ..انا خلصت الميداليه
وطلعت الميداليه من الدرج : اتفضل
نادربفرحه :الله حلوه اوى تسلم ايدك.. واحلى مفيها الاسم اللى مكتوب فيها
فرحه بارتباك وهى بتشد اسكتش جانبها : هى انسه نادين فين انا خلصت الحاجات اللى
طلبتها منى ......... هى مجاتشى مع حضرتك
نادر: لاء انا حبيت اجى اشوفك لوحدى انهارده
فرحه برقتله : نعم
نادر: عشان الميداليه ... انا جاى عشان اللى يخصنى هى بقى تبقى تجيلك مع معتز
عشان الحاجات التانيه
فرحه وهى بتقفل الاسكتش : اها.. وانا فى انتظارها ان شاء الله
وفضلت ساكته شويه وهو لسه قاعد قدامها و بيبصلها
فرحه بضيق : اى خدمه تانيه ... معلشى بس عندى شغل كتير
نادرباحراج :اها .....لا شكرا بس حساب الميداليه ايه
فرحه:مش مشكله دلوقتى احنا لسه الحساب بينا مفتوح
نادروهوقايم:اللى يريحك هجيلك مره تانيه عشان اشوف الحساب وحساب حاجات نادين
فرحه :ان شاء الله
وبعد ما مشى خطوتين وفرحه اتنهدت تنهيده كبيره و قاعدت عشان تكمل شغلها رجع
لها تانى
نادر: انسه فرحه..... كنت هنسى
فرحه باستغراب : خير
قرب منهاوطلع من جيبه دعوه :اتفضلى
فرحه :ايه ده
نادر: د ىدعوه لحفله فى دارايتام كمان يومين اتمنى تيجى
فرحه :معلشى مش هقدر عندى ضغط شغل
كبير
نادر بلهفه : صدقينى هتنبسطى....وبعدين اللى اعرفه عنك انك مش بتستخسرى
الفرحه فى حد
فرحه باحراج :بس
نادر:من غير بس .... وبعدين كمان فى مشروع
شغل
فرحه باستغراب : شغل !
نادر:اه لما تيجى الحفله .. هقولك
نادروهوماشى :هستناكى ....متتاخريش
فرحه فضلت وقفه تبص عليه لحد مخرج من المحل
فرحه: ايه الجنان ده
فاطمه بابتسامه :ايه بتكلمى نفسك
فرحه : انا مش فاهمه هوعاوزايه منى
فاطمه بضحكه : عاوز القرب ياجميل
فرحه بغيط : فاطمه احترمى نفسك
فاطمه وهى بتكتم ضحكتها : حاضر
ورمت الدعوه فى الدرج :مش رايحه فى حته هوانا فضياله ده كمان وكملت شغلها
..................................................................................
بعد يومين فى الحفله
نادر عينه على الباب ومش مركزمع اى حد
نادين : ابيه .... ابله صفيه عوزاك
نادربضيق : بعدين
نادين بقلق: مالك يا ابيه
نادر: مفيش
وسكت شويه وهى وقفه تبصله بشك
نادر : انتى معكيش نمرت فرحه
نادين بابتسامه خبثه : فرحه ... اه فرحه عشان كده
نادر بتنهيده :اخلصى كلميها وشوفيها مجاتشى ليه ولومش ناويه تيجى زنى عليها
زن البنات بتعكو ده لحد متقنعيها تيجى انتى فاهمه
نادين بغلاسه :زن البنات...طيب مش متصله
نادربنرفزه: نادين مش طلبه غلاسه..اخلصى لحد مشوف صفيه عاوزه ايه
............................................................................
فى المحل
فرحه قاعده بتشتغل
يجى صوت يقطع تركزها :عملالى فيها مهمه ومش معبرانى انا اصلا غلطانه لما خليتك تشتغلى
فرحه وهى قايمه من مكانها :نهى وحشانى
وخدتها بالحضن
نهى بتكشيره : واضح فعلاانى وحشاكى ياوحشه
فرحه بكسوف :عارفه انى ندله ومأثره معاكى انا اسفه متزعليش
نهى: مهى المشكله انى مش بعرف ازعل منك....قلبى الكبير بقى
فرحه :ههههههههه ماشى ياام قلب كبير ...اخبارك ايه واخبار ياسين وفريده ايه
وحشنى اوى
نهى:كله تمام الحمد لله .... وانتى
اخبارك ايه واخبارالشغل والمحل
قطع كلامهم رنت تليفون فرحه
فرحه : ثوانى يانهى اشوف مين
فرحه : السلام عليكم
نادين :وعليكم السلام .... ازيك ياقمر
فرحه باستغراب :مين معايا
نادين : انا نادين. ايه مش فكرانى
فرحه: اه انسه نادين اهلا بيكى
نادين وهى رافعه حاجب: انسه ....انتى ليه ممشياها رسمى كده
فرحه باحراج : لاابدا ....عادى يعنى
نادين :لا مش عادى انا شخصيا هقولك يافرحه عادى مبحبش الالقاب دى .... ماشى
فرحه بابتسامه : ماشى يانادين مبسوطه كده
نادين: اه طبعا وهبقى مبسوطه اكترلو جيتى دلوقتى
فرحه : اجى فين
نادين : الحفله ... ابيه قالى انه
عزمك ايه انتى بخيله ولا ايه ومش بتقبلى العزومه
فرحه : لا ابدا بس انا مشغوله شويه
نادين :لا انسى مش هقبل اى اعذار مستنياكى
فرحه : صدقينى مش هينفع وبعدين كمان عندى ضيوفومش هينفع اسيبهم وامشى
نادين:انتى كده بتزعلينى منك حاولى عشان خاطرى وانا هستناكى ....عارفه انك
مش هتزعيلنى
فرحه باحراج : هحاول .... ربنا يسهل
نادين : اوكى مش هعطلك بقى عشان تخلصى وتيجى ....متتاخريش
فرحه: ان شاء الله ... سلام
نادين: سلام
نادر من وراها : ها هتيجى
نادين بخضه :حرام عليك خضيتنى يا
ابيه
نادر :اخلصى هتيجى ولا لاء
نادين : بتقول مش هينفع وهتحاول .... انا عملت اللى عليه لما اشوفه تيجى ولا
لاء
فى المحل
نهى : فى ايه ...انتى عندك مشوار
فرحه : لا عادى سيبك مش هروح اصلا
نهى : فى ايه فى حاجه انا مش فهماها .... احكيلى ياله
فرحه : عادى يعنى
وبداءت تحكيلها عن نادر ونادين
نهى : طيب تماما .... ياله عشان تروحى
فرحه: اروح فين
نهى بجديه : ياله عيب الناس عزمينك ... مينفعشى
فرحه : انا بتوتر لما بشوف اللى اسمه نادر ده
نهى بضحكه : مهو ده المطلوب
فرحه : نعم
نهى بتحاول تكون جديه : قصدى يعنى الناس بيعملوكى كويس ومهتمين بيكى ميصحش
تكسفيهم ياله بلاش دلع وبعدين ده فى مصلحه وشغل كمان ياله يا فرحه انتى عمرك مبتتاخرى
على حد .... ياله وانا هوصلك معايا
فرحه باستغراب :ايه الاصرارده انى اروح
نهى : عادى يعنى ... عشان تنبسطى شويه وتغيرى جو
فرحه:بس انا مش فاضيه عندى شغل كتير وكمان المحل مينفعشى اسيبه لوحده
فاطمه من وراههم : انا هاخد باللى من المحل ... و الشغل ممكن تكمليه بليل
فرحه:انتم عاملين رباطيه عليه
نهى وهى بتقوم تشدها :اها ياله بقى
قومى بلاش غلاسه
وفضلت تشد فيها هى وفاطمه لحد مقامت
فى الحفل
نادر قاعد سرحان ومزاجه وحش
معتز:نادر بقولك فين ملف الفرح الجماعى ابله صفيه بدور عليه
نادرمردش عليه
معتز باستغراب وهو بيمسك كتفه : نادر بكلمك
نادربخضه : ها....بتقول حاجه
معتز:انت مالك انهارده مش طبيعى
نادر :مفيش.....كنت بتقول ايه
وفجاءه شاف فرحه دخله من باب الدر وهى بتبص حواليها
معتز:بقولك فين الملفــ
نادر باستعجال : بعدين بعدين وجرى نحيت الباب
نادر بلهفه : اتاخرتى ليه
فرحه :عادى شوية شغل
فضلوواقفين ساكتين شويه
فرحه :طيب ايه هنفضل وقفين كده
نادر:لاطبعا...اتفضلى
نادر اخد فرحه وقاعدوعلى تربيزه
فرحه بجديه :خير حضرتك كنت عاوزنى ليه
نادر:طيب خدى نفسك الاول .... هروح اجبلك حاجه تشربيها
وقام مشى قبل مترد عليه
شويه وقربت منها نادين
نادين : كنت عارفه انك مش هتزعلينى
فرحه بابتسامه:ميهونشى عليه ازعل العروسه ..اخبارك ايه
نادين: تمام الحمد لله
فرحه: اختارتى التصاميم ولالسه عشان الحق اشتغل
نادين:بصراحه متردد كلهم حلوين تسلم ايدك .. بس هحاول انهارده بعد الحفله اقعد
مع معتز واختارهم ..... بكره ان شاء الله يكونو عندك
فرحه: ان شاء الله
نادر قرب عليهم ومعاه اتنين عصير:اتفضلى
فرحه بابتسامه : شكرا
نادين : ايه ده وانا مليش
نادر: قومى هاتى لنفسك
نادين وهى بتبص لفرحه :...شايفه المعامله انا هروح لخطيبى حبيبى وهو يجبلى
وقامت وفرحه بتضحك على طفولتها
شويه وبصت لنادرلقته بيبصلها ومتنح
فرحه باحراج :خير حضرتك عاوزنى فى ايه
ونكمل بقى الحلقه اللى جايه
